康年餐廳

Open Now

Now Closed

而家旺角太子呢啲旺區通常食野唔可以有太大要求，全香港都明白呢啲旺區寸金尺土，今日同人去太子買完野唔知食咩好，經過佢門口見到居然7：30仲有新鮮菠蘿包出爐，於是即刻入去試下 3個人，食左一個海南雞飯，牛脷意粉，牛腩飯，再3個人share個菠蘿油，見到個職員超細心，菠蘿包分左2盤，上面個盤我地經過餐廳已經有，後尾我地見到新鮮出爐個盤就係下層，如果街客買菠蘿包就會俾上面出左爐一段時間既包，不過佢地係有燈熱住，好似平時麪包舖買麪包咁，我地叫菠蘿油既佢就突登攞新鮮出爐個啲，個包落枱係熱到辣手，塊牛油俾個包既熱力熱到半溶，個皮脆卜卜個包超香超軟熟，菠蘿包$6，菠蘿油都只係賣$10，係凱施凍冰冰既菠蘿包都$6~7啦，海南雞飯早就知正常一定用冰鮮雞，但係佢地啲雞整到出黎完全唔似平時個啲雞鮮雞，佢係食到有雞味同埋肉質係有啲似新鮮雞既咬口，牛脷意粉先誇張，$60有4大片厚牛脷，其中一塊厚到成塊方包咁，咖哩好香有少少辣，食左一半已經飽晒，所以打包左半碟走~而且啲職員服務好有禮貌，因為個意粉要焗，所以本身已經要等耐少少，但係見過左錯唔多半個鐘都未到所以問下個職員，個職員話原來廚房唔小心做錯左唔係咖哩，所以要再