Be Leaf (Closed)

呢一間be leaf可以話係觀塘區嘅名物！基本上同人講觀塘區嘅特色打卡餐廳，就一定會諗起呢一間be leaf!!而且呢間餐廳嘅打卡位置真係非常之多，對於鍾意影相打卡嘅人來講應該會好鍾意！今次主要想介紹吓呢度嘅食物，因為呢一個蟹肉鮮蝦椰香叻沙意大利飯真係非常出色！本身我自己都係一個好鍾意食意大利飯嘅人，但係真係第一次食叻沙味道嘅意大利飯！估唔到又咁夾喎😍😍而且上面嘅蟹肉同埋鮮蝦亦都非常新鮮，分別都十足！連埋啲飯一齊食真係非常吸引！另外當然唔少得要叫呢度嘅招牌甜品糯夫啦！呢一個以芒果糯米飯為idea既糯夫真係好好食，用咗椰汁嘅雪糕配合埋脆卜卜嘅窩夫🧇令到成個口感亦都非常相似！