Video
Read full review
2020-11-23
790 views
晏晝行行吓街, 友人問我同 P san 一唔一齊食晚飯, 結果就一行四人, 由友人車咗嚟觀塘搵食, 搵到喱間日式小店。雖然位處工廠大廈, 但係門口俾人一種舒服嘅感覺。 入到店家, 店員問我哋有無 book 位, 因為無 book 位, 所以要等店員安排入座。 入到去啲枱櫈比平時去嘅餐廳矮, 仲有日式榻榻米同矮枱坐, 有種令人好放鬆嘅感覺。 我睇完 menu 之後, 決定點原條蒲燒鰻魚炒飯。 鰻魚真係好大條, 但唔熱亦唔暖, 所以食落質地比較硬, 亦無咩鰻魚味同唔肥美, 炒飯好似用咗蒸魚豉油加熟油一齊炒嘅味道咁, 食到一半就已經有少少膩唔想繼續食, 飯粒亦唔多似係真正日本米咁短短肥肥脹卜卜同有飯味, 飯嘅份量都唔算多, 但店家都會貼心咁配埋少許生椰菜絲同兩件醃蘿蔔, 可以俾人解吓膩。 我哋除咗各自點咗一個主菜之外, 仲點咗個七味墨魚咀。 喱個墨魚咀外皮炸得鬆脆, 而且七味粉平均散佈喺每粒墨魚咀度, 好惹味, 喱個係成餐飯我會比較推薦嘅菜式。 P san 點咗喱個神戶野菜牛肉鍋加一個雜炊, 我哋點完, 店員拎咗個爐上枱, 再等咗一陣就放埋個鍋上個爐上面同點火, 我同 P san 等
雖然位處工廠大廈, 但係門口俾人一種舒服嘅感覺。 入到店家, 店員問我哋有無 book 位, 因為無 book 位, 所以要等店員安排入座。 入到去啲枱櫈比平時去嘅餐廳矮, 仲有日式榻榻米同矮枱坐, 有種令人好放鬆嘅感覺。
我睇完 menu 之後, 決定點原條蒲燒鰻魚炒飯。 鰻魚真係好大條, 但唔熱亦唔暖, 所以食落質地比較硬, 亦無咩鰻魚味同唔肥美, 炒飯好似用咗蒸魚豉油加熟油一齊炒嘅味道咁, 食到一半就已經有少少膩唔想繼續食, 飯粒亦唔多似係真正日本米咁短短肥肥脹卜卜同有飯味, 飯嘅份量都唔算多, 但店家都會貼心咁配埋少許生椰菜絲同兩件醃蘿蔔, 可以俾人解吓膩。
原條蒲燒鰻魚炒飯
$148
30 views
0 likes
0 comments
我哋除咗各自點咗一個主菜之外, 仲點咗個七味墨魚咀。 喱個墨魚咀外皮炸得鬆脆, 而且七味粉平均散佈喺每粒墨魚咀度, 好惹味, 喱個係成餐飯我會比較推薦嘅菜式。
七味墨魚咀
$68
35 views
0 likes
0 comments
P san 點咗喱個神戶野菜牛肉鍋加一個雜炊, 我哋點完, 店員拎咗個爐上枱, 再等咗一陣就放埋個鍋上個爐上面同點火, 我同 P san 等啲湯滾咗先開始烚。 牛肉份量多, 而且有好濃牛味, 不過食落似係我哋平時打邊爐嗰啲肥牛, 下面有粗粉絲、 菜、豆腐同鮮冬菇, 啲湯飲落好清甜而且有菜味, 應該係用味醂煮嘅, 喱個都不錯食哦, 可以放埋個飯落去成為一個雜炊。
神戶野菜牛肉鍋
$118
30 views
0 likes
0 comments
最後, 飲品方面, 因為我唔飲汽水, 所以我點咗喱間店多人推薦嘅富士山特飲嚟打吓卡, 之後就俾咗 P san 飲, 而我就點咗個焦糖鮮牛奶朱古力。
喱個富士山特飲, 下面係梳打水加冰, 店家放咗一粒有燈嘅塑膠冰粒喺梳打水入面閃吓閃吓, 上面係雲呢拿雪糕, 外貌做到同富士山相似, 當雪糕融咗喺梳打水之後, 更會做出富士山有不同層次雪景嘅狀況, 等我哋無得去日本都可以欣賞到富士山解下旅行癮。
富士山特飲
$52
20 views
0 likes
0 comments
跟住喱個係另一個我會推薦嘅飲品, 用鮮牛奶沖泡, 而且滿有香濃朱古力味, 又唔會苦, 奶味同朱古力味都飲得出, 好 balance, 上面有一層好輕嘅 cream, 再有少許焦糖吱咗喺層 cream 上面, 令朱古力更香滑。
焦糖鮮牛奶朱古力
$36
23 views
0 likes
0 comments
總括, 喱間餐廳似 cafe 俾人傾計同 hea 多過一間餐廳, 店家有一種日式小店嘅感覺, 坐得舒服好 relax, 飲品比較吸引亦吸睛, 不過我哋星期日 7:00pm, 有 1.5 小時限時, 若大班朋友就最好 book 位。
Post
