備長

Open Now

Now Closed

Bookmark咗哩間居酒屋好耐，今日行過銅鑼灣，咁試試。餐廳裝修得好有日本feel，除咗晚市menu，仲會提供seasonal menu，係廚師推薦，唔錯。白桃蘇打，飲落唔會好甜，蜜桃味好重。意式魚生多士，魚生品種好豐富，真係好似多士一樣擺盤。用咗日式醬汁調味，食落酸甜惹味。壽司，散件咗數款壽司，包埋三文魚，三文魚腩，赤蝦壽司等。刺身全部厚切同埋好新鮮，特別係帆立貝，肉質厚身飽滿，食落好鮮甜。三文魚三切，擺得好似一朵花。三文魚好肥厚，入口鮮甜。自家制免治雞肉棒（付日本蛋），用鹽烤方式烤制，雞肉棒可以食得出粒粒脆骨，口感好豐富，再點埋日本蛋，更加好味。明太子雞翼，雞翼火候啱啱好，外皮焦脆內裡肉質juice，明太子咸香口感同雞肉好夾。浦燒鰻魚，大火逼出鰻魚皮油脂，再刷上日本鰻魚醬，食落唔會覺得鰻魚好肥，只會覺得皮脆肉Q彈緊實。牛肋骨，牛肋骨要燒好唔易，哩間餐廳燒烤功力唔錯。用少少海鹽調味，牛肋骨肉質軟嫩牛味好重。炒雜菜，食完串燒，點都要叫碟菜才食得健康。少少鹽同黑胡椒調味，已經可以食出蔬菜鮮甜。