Chullschick

Open Now

Now Closed

打食評之前，提提大家一定一定要訂位！由6點半開始已經好full，到八點幾仲有兩枱人排緊隊，唔想熱住等就一定要book位！初嘗秘魯菜，冇乜概念唔知食咩好，就揀啲多人推薦嘅大路嘢，包括呢個海鱸魚他他薯蓉，果然無揀錯，我同朋友三個人都覺得好好食特別係佢有幾款唔同嘅醬汁撈埋一齊，少少辣，味道好rich，作為頭盤小食冇得輸，必叫！ 份量唔多2個人share啱啱好諗唔到食乜，就叫咗呢個乜都有啲嘅拼盤，兩款配菜我哋揀咗烤甜薯同埋雜菜沙律。雜菜沙律嘅黑醋汁偏甜，不算清爽。烤甜薯真係冇得頂，十級好食，配菜必叫之選！半隻雞大大舊，燒得好香，但有排切，西冷牛扒有啲韌，普通。明明menu寫得燒雞同埋牛扒，唔知點解我哋多咗兩條香腸 味道普通，但係唔係德國腸所以都幾特別～呢道菜配有兩款醬，包括松露醬同埋蜂蜜芥末醬，都好香好好食呢間餐廳出菜好快手，冷氣又吹住，我地切完隻雞啲熱食已經凍哂，食落味道係爭咁啲 同埋太多人等位，如果想chill住食同傾偈，建議食完去附近甜品舖或者酒吧 總之就一定一定要訂位！