鯛魚湯專門店 (Closed)

之前喺鰂魚涌已見鯛魚湯專門店，但嗰次趕時間無試，今次行開見近近哋，又唔駛等位，就入去試試。嚟到下午茶時間，入座率都有9成，睇完 menu 見下午茶平平哋就叫嚟試吓，因為鯛魚湯麵食都比較貴。自己叫咗個吉列豬扒手打烏東，跟凍檸茶，吉列豬扒炸得鬆脆，但豬扒醃得唔夠入味，油都未瀝乾，幸好配上沙律菜，減低油膩感，烏冬有少少彈牙，幾滑，湯底飲得出係豬骨湯，但略嫌有啲羶味，整體不過不失。朋友叫咗雞塊唐揚手打烏冬，試咗件炸雞，炸皮夠薄，但唔夠脆，好在雞肉尚算滑，但同樣都係無咩味。叫咗鱈魚魚腐，同期待有所出入，鱈魚魚腐無咩魚味，而且質地好淋，個人唔好。可能我唔係食鯛魚湯食品，有少少覺得名過於實，試1次就夠。