Futago HK大阪燒肉 (Closed)

黃雨都擔遮捱風雨行大幾分鐘，加上風評不錯，心裡有啲期望。店內環境有啲暗，枱面放咗個爐有啲迫。店方提供紙製圍巾以防濺油幾細心。要咗特上和牛牛肋肉御膳。前菜有炆牛舌、薯仔、芽菜令我諗起韓膳。沙律係普通生菜蘿蔔絲洋蔥。海藻湯都係普通。牛肋肉有7片，燒落有啲難咬開唔夠軟腍，且個人不喜重調味肉類因感覺質素較差才需作出掩飾，不過燒到有坑紋微焦又好香口。肉質非特別好與餘伊呂波、和幸、盛八相若，整體份量偏細。店員初時未有察覺將爐火調較至最高令我燒起上嚟有啲狼狽，行過亦冇留意客人枱面情況同呼喚，最後我自己摸索較細啲火先冇燒咗佢舖。冇信用卡優惠且位置偏離銅鑼灣中心地段加埋份量少服務稍遜， "牛禪"嘅性價比絕對較高。