一芳台灣水果茶 (Closed)

同朋友仔一齊行街，行到有啲累又有啲口渴，佢介紹去一芳飲水果茶。講到甘好飲，一於一齊去買番杯。我地三個都係叫招牌水果茶，水果茶有中杯同大杯兩個size，大杯比中杯貴3蚊。好快就買完飛，但完全冇諗過要等甘耐，足足等左35分鐘先攞到野飲！可能星期六多人特別多單掛。。用左日月潭嘅紅茶去製作嘅，飲落啲生果同茶果都幾夾。不過我叫左半糖微冰，但飲落去完全一粒冰都冇，似係去冰多啲。甜度就岩好嘅，好多生果，橙，蘋果，熱情果籽等。熱情果籽似乎份量太多，一開始覺得咬落去嘅感覺幾過癮，但飲多幾啖就開始有啲唔鐘意。以三十蚊一杯嚟講都幾貴呀！