Video
Read full review
2020-10-05
1181 views
呢間好有期待，始終有三星。叫左個餐同點心、脆皮雞兩個人share。但食落整體好普通，連利苑既水平都無（真係撞正，可能叫其他野或者晚餐先有水準），去得呢啲咁貴既，我覺得值、喜出望外既只香宮。但都只食過一次，都明第一次可一百分，轉左個人整可以八十分既。我試過（算貴既）既唔多，暫時排名係以下：香宮明閣-旺角欣圖軒嘉麟樓天外天龍景軒中餐Plan緊想去唐閣、天龍軒、夏宮、營致會館、大班樓之類，有啲一位都有餐叫，可試多啲既話會去左先。千其唔好似龍景軒咁上下體驗呀🙏🏼食晒成粒，唔鮮甜，唔算彈牙，食落豬油味即出晒黎，想吐，但都趙趙下食左。算大粒；皮質素尚可接受。跟餐兩件蒸點，好過散叫既，但食落普通，素餃菇菌味濃厚；紅菜頭嗰件有少少汁，有蝦，食到彈牙但又係唔鮮。燒賣唔掂，好大件。但蟹無蟹味，豬無豬既味，豬肉質素唔好，同食落係鬆散既，我食左半件。豬肉質素我覺得好似你去燒肉店，當全部梅頭位拎黎盲試，咩本地新鮮白豬/黑毛豬/韓豬/日豬/外國冰鮮豬（我個人印象巴西係差，美加會好啲，特別好啲既會係標明咩西班牙之類食咩大既會仲好啲）你係：食得出架😵😵😵黎最想試龍太子蒸餃，但係今日冇，有咩豉汁龍蝦餃，又散又重豉汁，龍
呢間好有期待，始終有三星。叫左個餐同點心、脆皮雞兩個人share。但食落整體好普通，連利苑既水平都無（真係撞正，可能叫其他野或者晚餐先有水準），去得呢啲咁貴既，我覺得值、喜出望外既只香宮。但都只食過一次，都明第一次可一百分，轉左個人整可以八十分既。
我試過（算貴既）既唔多，暫時排名係以下：
香宮
明閣-旺角
欣圖軒
嘉麟樓
天外天
龍景軒
中餐Plan緊想去唐閣、天龍軒、夏宮、營致會館、大班樓之類，有啲一位都有餐叫，可試多啲既話會去左先。千其唔好似龍景軒咁上下體驗呀🙏🏼
食晒成粒，唔鮮甜，唔算彈牙，食落豬油味即出晒黎，想吐，但都趙趙下食左。算大粒；皮質素尚可接受。
跟餐兩件蒸點，好過散叫既，但食落普通，素餃菇菌味濃厚；紅菜頭嗰件有少少汁，有蝦，食到彈牙但又係唔鮮。
燒賣唔掂，好大件。但蟹無蟹味，豬無豬既味，豬肉質素唔好，同食落係鬆散既，我食左半件。豬肉質素我覺得好似你去燒肉店，當全部梅頭位拎黎盲試，咩本地新鮮白豬/黑毛豬/韓豬/日豬/外國冰鮮豬（我個人印象巴西係差，美加會好啲，特別好啲既會係標明咩西班牙之類食咩大既會仲好啲）你係：食得出架😵😵😵
黎最想試龍太子蒸餃，但係今日冇，有咩豉汁龍蝦餃，又散又重豉汁，龍蝦新鮮既真係蒸完就咁食或者點少少熟油豉油已經好正。佢餡又散又重豉汁味，你係食緊豉汁蝦肉咁囉😵。又只係食左半件，咁既質素唔值得我浪費卡路里，雖然個心諗住78蚊一件仲未加一架。
跟餐既春卷又係唔掂，唔夠乾身，少少油，蝦又係無鮮味既，都係食左一半。
同天外天差唔多，都係撻皮甜，同咸既雞粒鮑魚夾起黎個人唔鍾意。鮑魚係淋既，所謂既汁又係傑既獻汁，食左五分一既皮，食晒啲鮑魚，食左少少雞粒。
燒味拼盤又係普通，叉燒唔入味唔鬆化，比較硬身。豉油雞同海蜇正常。拼盤同人每人一件，叉燒我個件只食左半件。
千張腩片普通，無鑊氣。都係少少地食左十分一，試晒所有材料就算。
四百蚊既脆皮雞，好普通，飲過咁多次婚宴，酒樓定酒店既出品都好過佢。脆皮既，但唔係最高質個啲。雞肉無咩味，唔鮮；似冰鮮雞。食落無咩肉汁，似整完放係度再淋油加熱再出菜咁😂
可能關我地只叫半隻既事，叫全隻可能真係唔同晒，但得兩個人叫唔到咁多。
食左第一啖，內心係度為咁貴既半隻雞哭泣😅
炒飯無鑊氣，已經同人分一半。但我只食到一半既一半。
雪蓮紅豆沙，只試左兩三啖，因為唔鍾意食甜野。佢仲有每人一粒笑口棗同埋桂花糕，只要左一份，因為我一定唔食，廢事浪費。
咁既價錢，我寧願食利苑，叫盡啲貴少少既野。😅好後悔浪費搭車既時間；仲要提早起身。（book左12點）
服務普通（咁既價錢同同類餐廳比較），有個高既女仔幾機械式標準化咁應對，有個矮少少既真心跟得足。但老實，比起其他貴啲啲既中西日咩餐都好，收得咁既價錢。啲老細、上級會係要求啲職員表現到勁真誠待客既「演技」，呢間真係無。
Post
