Video
Read full review
2019-05-24
334 views
之前都聽講過西環厚和街多野食，咁見今日放工得閒就同個friend去睇下有咩食～咁岩見到有間台灣野，都好耐無食過，就入去試試😋裡面唔係好大，大約得五六張臺，好彩我地去到未full，如果唔係可能要等...一入到去就有個台灣人好友善咁歡迎我地，原來係台灣人開，咁應該都值得期待個店員就同我地講佢地有個二人餐，可以食晒佢地推薦既菜式，我地都好懶，見二百幾蚊唔係好貴就叫左首先黎既係滷味拼盤，個店員同我地講係佢地自己用十三香滷既，所以味道會同出面食開既港式有啲唔同。的確我同我個friend都覺得無出面個啲咁咸，而且滷得好入味，特別係豆腐好好食👍🏼第二樣係台式燙青菜，就係加左肉燥既熟生菜。肉燥同個醬好夾生菜，生菜都好爽脆，唔會老。第三樣係麻辣牛肉麵，佢地好好，麻辣係另上既，俾你自己加落去，個店員就同我地講啲麻辣係佢地日日自己炒，所以會香啲不過都幾辣下。咁我地就緊係要落落去牛肉麵度試下啦！無落晒都幾辣下😂無諗過既係個牛肉麵既湯比我地想像中淡（一直食啲台灣野都好重口味），不過係清甜同好飲既，啲粗身既麵條好掛汁，而且有咬口。牛肉煮得好腍，好入味，我覺得真心好食👍🏼滷肉飯係我最喜歡既台灣野食，依間鋪既滷肉飯麵
裡面唔係好大，大約得五六張臺，好彩我地去到未full，如果唔係可能要等...一入到去就有個台灣人好友善咁歡迎我地，原來係台灣人開，咁應該都值得期待
個店員就同我地講佢地有個二人餐，可以食晒佢地推薦既菜式，我地都好懶，見二百幾蚊唔係好貴就叫左
首先黎既係滷味拼盤，個店員同我地講係佢地自己用十三香滷既，所以味道會同出面食開既港式有啲唔同。的確我同我個friend都覺得無出面個啲咁咸，而且滷得好入味，特別係豆腐好好食👍🏼
滷味拼盤
17 views
0 likes
0 comments
第二樣係台式燙青菜，就係加左肉燥既熟生菜。肉燥同個醬好夾生菜，生菜都好爽脆，唔會老。
台式燙青菜
25 views
0 likes
0 comments
第三樣係麻辣牛肉麵，佢地好好，麻辣係另上既，俾你自己加落去，個店員就同我地講啲麻辣係佢地日日自己炒，所以會香啲不過都幾辣下。咁我地就緊係要落落去牛肉麵度試下啦！無落晒都幾辣下😂無諗過既係個牛肉麵既湯比我地想像中淡（一直食啲台灣野都好重口味），不過係清甜同好飲既，啲粗身既麵條好掛汁，而且有咬口。牛肉煮得好腍，好入味，我覺得真心好食👍🏼
麻辣牛肉麵
24 views
0 likes
0 comments
滷肉飯係我最喜歡既台灣野食，依間鋪既滷肉飯麵好好食，汁夠味道，滷肉夠腍，不過如果再肥啲啲會再好食啲。隻雞脾都好入味，應該都係滷左好耐，不過我自己中意雞脾啲肉實啲，佢啲雞滷得耐所以有啲太腍，我唔太中意。
肉燥雞腿飯
25 views
0 likes
0 comments
飲品有冬瓜茶同珍珠奶茶，冬瓜茶好香又唔會太甜。啲奶茶都好濃好香，個店員講啲奶茶佢地用台灣阿薩母紅茶沖，所以先咁香。珍珠真係好食既，因為一啲都唔硬。
冬瓜茶+珍珠奶茶
18 views
0 likes
0 comments
佢地仲送左台灣腸俾我地食，勁開心！佢地話因爲佢地想keep番正宗既味道，所以好多菜都會加蒜，味道會重一啲，不過佢地通常都會放旁邊俾你揀加唔加，我覺得咁幾好
台式香腸
13 views
0 likes
0 comments
甜品係芋圓加地瓜圓，湯底係熱冬瓜茶。好中意佢芋圓真係有一粒粒芋頭😍地瓜圓都好彈牙好好食，配冬瓜茶唔會太甜，好食！
台式芋圓
17 views
0 likes
0 comments
雖然啲餸唔算好大碟，不過食落都幾飽😂唔夠其實佢地仲可以加飯加麵，我地就唔洗喇。值得一讚既係佢地啲店員都好nice，好有笑容，而且會唔介意講好多推薦俾我地，同介紹啲菜式。而且啲餸有好多菜，所以感覺好健康😂下次有機會都會再食！
Post
