Video
Read full review
2009-03-27
999 views
我係呢間野食左成年, 大大話話都俾左成五六千蚊佢地賺。你問我點解食親都係呢間, 我會答你呢度除左d野食唔差, 價錢相宜(30蚊飯連野飲/湯)、凍飲唔加錢之外, 最特別之處就係呢度d人好有人情味。我係附近返工, 平日食晝周圍都鬼死咁多人, 好難搵位, 最初見到呢間野新開冇耐, 客人唔多, 未諗住拿拿臨食個便飯lor.間野同普通茶餐廳冇咩大分別, lunch 時段有8-9款野揀, 仲有d regular 野好似叉燒煎疍飯, 芙蓉疍飯, 燒味飯果d… 開頭黎諗唔到食咩, 就叫左叉燒煎疍飯。 雖然唔係話突別好食, 但就份量十足-- 足足有7,8舊叉燒(唔係薄切果d)食多左幾次, 我就改左食叉燒炒疍飯(佢地建議的, 因為有一日我話諗唔到食咩, 但叉燒煎疍飯又好乾) 個飯除左又係份量十足之外, 最正就係d疍唔係炒到乾晒果種, 而係半熟、有d蛋汁果種… 仲會加埋d韮菜同蔥一齊炒, 真係好鬼香。食耐左, 我一行入去d人就認得我同我打招呼, 仲會記得個客食開咩/飯開咩, 後來仲發現佢地係一家人, 正式家族生意。個老闆又好好人, 有時有4-5個客人一齊去食飯, 佢就好識做咁送碟油菜俾d客 (親眼見, 不過
我係呢間野食左成年, 大大話話都俾左成五六千蚊佢地賺。
你問我點解食親都係呢間, 我會答你呢度除左d野食唔差, 價錢相宜(30蚊飯連野飲/湯)、凍飲唔加錢之外, 最特別之處就係呢度d人好有人情味。
我係附近返工, 平日食晝周圍都鬼死咁多人, 好難搵位, 最初見到呢間野新開冇耐, 客人唔多, 未諗住拿拿臨食個便飯lor.
間野同普通茶餐廳冇咩大分別, lunch 時段有8-9款野揀, 仲有d regular 野好似叉燒煎疍飯, 芙蓉疍飯, 燒味飯果d…
開頭黎諗唔到食咩, 就叫左叉燒煎疍飯。 雖然唔係話突別好食, 但就份量十足-- 足足有7,8舊叉燒(唔係薄切果d)
食多左幾次, 我就改左食叉燒炒疍飯(佢地建議的, 因為有一日我話諗唔到食咩, 但叉燒煎疍飯又好乾)
個飯除左又係份量十足之外, 最正就係d疍唔係炒到乾晒果種, 而係半熟、有d蛋汁果種… 仲會加埋d韮菜同蔥一齊炒, 真係好鬼香。
食耐左, 我一行入去d人就認得我同我打招呼, 仲會記得個客食開咩/飯開咩, 後來仲發現佢地係一家人, 正式家族生意。
個老闆又好好人, 有時有4-5個客人一齊去食飯, 佢就好識做咁送碟油菜俾d客 (親眼見, 不過我食親都一兩個人, 所以冇份享受)
anyway la, 如果大家又係呢頭返工既, 建議得閒lunch記得落黎表妹食野, 食耐左你就會有種返到屋企既暖意嫁la~
仲有, 佢地有分正價/特價時段嫁, 12點45 前走, 或者2點後黎都有得平d, 供大家參考參考。
Post