S2 Kitchen (Moved) New Location

今晚 Halloween 約左朋友去蘭桂坊襯熱鬧！行到去威靈頓街已經好多人逼哂係度 裝扮緊自己🎃，好熱鬧。係附近搵間野食填下個肚先！😄俾我地見到呢間食日本菜既餐廳！😍d菜式好似幾特別咁喎！舖頭不算大間，但好有日本居酒屋feel!呢度有幾款餐廳自創既食物！當然要試一試！S2特色火焰卷 🍣上菜既時候店員先點火。賣相好吸引！燒住隻碟，大概幾十秒就會熄，所以影相呃like就要快 🤣📸火焰卷 包括有：海膽，帶子同蟹籽。面頭加上燒汁蛋黃醬，再用火鎗燒一燒過。一啖放入口，口感非常豐富！配搭得好好。好惹味！海膽味非常濃烈！🥗海膽牛油果沙律 🥑舖有好多既海膽，帶子，牛油果粒，車厘茄配搭非常清新，好fresh既感覺！帶子好鮮甜，加上濃郁既海水味。沙律菜好清爽！🍶清酒鮑魚 雞翼🐔豪華版雞翼，先將雞翼拆骨，再釀入鮑魚。幾特別！再加上清酒 燒熟。雞翼食落好香既酒味，好嫩滑。加上彈牙既鮑魚，好有層次感！芝士年糕🧀口感好煙韌，口感似麻糬。外面炸到好脆，入面就滿滿既芝士！芝士味好濃郁。幾好味。