六合小巷 (Closed)

今日同瑞士嘅朋友敘舊，佢好鍾意食台灣嘅食物，見北角電廠街聯和大廈地下開了一間新嘅舖頭，叫六合小巷，裝修望落去好舒適又有台灣feel，就帶咗佢入去吃東西。我食咗一碗原味牛肉麵，牛肉炆得又淋又香滑，幼麵好軟熟好滑，店員即時加牛肉湯在麵上，倒湯嘅時候已經聞到好香嘅牛肉湯味。👍🏻外國朋友讚不絕口。我就比較喜歡吃炸物，叫咗鹽酥豬扒麵，豬扒好入味又鬆脆，鬆脆得來又唔覺得肥膩。麵嚟咗之後，店員係你面前加上清湯，唔會一早就浸到啲麵淋晒。都幾欣賞佢哋嘅服務。叫咗肉鬆皮蛋滑豆腐，呢個配搭又幾夾味，係一個涼食，豆腐冰冰凍，配上皮蛋，加上一啲台灣嘅肉鬆，好開胃。香芋鮮奶好香嘅奶味同埋芋頭味，有一粒粒嘅芋頭，少甜，唔錯。朋友喜歡飲熱嘅紅棗杞子桂圓薑母茶，飲落去唔會太甜，感覺到是一杯很健康的茶。我非常喜歡六合小巷的台灣美食，會再來吃☺️