Video
Read full review
2017-08-26
35 views
餐廳位於紅磡美食街入面，門面招牌以紅色為主，比較易搵到。餐廳空間比較大，有二人枱同埋圓枱位置，座位比較寬敞舒適。餐廳職員非常友善，推介了幾樣小菜俾我哋。首先就係「川味水煮魚」，因為本人唔食得辣，所以叫了小辣。水煮魚比我想像中冇咁辣，魚好鮮甜，而且辣度啱啱好， 魚唔算多骨，啱曬大人細路食，再加埋水煮魚入面嘅配料，包括有芽菜，娃娃菜，雲耳同埋酸辣粉做底， 是一個好惹味很出色的川菜，好吃。「霸王雞半隻」，每一件雞都很嫩滑，賣相相當吸引，特別啲雞皮望落去好滑，啲雞肉夾埋啲雞皮一齊食，相當好味， 再點埋佢啲特製豉油同蔥花， 一舊一舊食落口好有口感，必條嘅菜式，配埋白飯一齊食，正。「客家煎釀豆腐」上面釀了豬肉碎，豬肉煎得非常香口，再加埋佢豆腐本身好甜好滑，呢樣餸係佢哋舖頭最出名的菜式之一，一碟有八件，四個人一人兩件，好食。「啫啫蝦干通菜煲」， 老闆話每個客人嚟見到呢碟啫啫通菜都會叫，通菜用鐵板上，離遠已經聞到浸浸啫啫通菜嘅香味，再加埋入面好大隻嘅蝦乾，同炸過嘅蒜頭，非常惹味，呢碟通菜炒得好有鑊氣，可以送到幾個白飯。「蜜椒金薯安格斯粒」中嘅薯仔煎得恰到好處，外皮脆入面軟，食落去好有口感。牛柳粒咬落去
餐廳位於紅磡美食街入面，門面招牌以紅色為主，比較易搵到。餐廳空間比較大，有二人枱同埋圓枱位置，座位比較寬敞舒適。
餐廳職員非常友善，推介了幾樣小菜俾我哋。首先就係「川味水煮魚」，因為本人唔食得辣，所以叫了小辣。水煮魚比我想像中冇咁辣，魚好鮮甜，而且辣度啱啱好， 魚唔算多骨，啱曬大人細路食，再加埋水煮魚入面嘅配料，包括有芽菜，娃娃菜，雲耳同埋酸辣粉做底， 是一個好惹味很出色的川菜，好吃。
「霸王雞半隻」，每一件雞都很嫩滑，賣相相當吸引，特別啲雞皮望落去好滑，啲雞肉夾埋啲雞皮一齊食，相當好味， 再點埋佢啲特製豉油同蔥花， 一舊一舊食落口好有口感，必條嘅菜式，配埋白飯一齊食，正。
「客家煎釀豆腐」上面釀了豬肉碎，豬肉煎得非常香口，再加埋佢豆腐本身好甜好滑，呢樣餸係佢哋舖頭最出名的菜式之一，一碟有八件，四個人一人兩件，好食。
「啫啫蝦干通菜煲」， 老闆話每個客人嚟見到呢碟啫啫通菜都會叫，通菜用鐵板上，離遠已經聞到浸浸啫啫通菜嘅香味，再加埋入面好大隻嘅蝦乾，同炸過嘅蒜頭，非常惹味，呢碟通菜炒得好有鑊氣，可以送到幾個白飯。
「蜜椒金薯安格斯粒」中嘅薯仔煎得恰到好處，外皮脆入面軟，食落去好有口感。牛柳粒咬落去唔會好靭，薯仔同牛柳粒都非常入味，滿口都係蜜糖辣椒味道，食落去好有牛嘅鮮味，份量都比較多，再加埋佢啲配料青椒，的確係一味好出色的薯仔牛柳粒，必食。
飲品方面，包括有啤酒，汽水，凍檸茶，凍奶茶等等，多款選擇。各類小菜都好有客家風味，打邊爐同埋小菜都係唔錯嘅選擇。
Post
