Video
8-min walk from Exit A, Whompoa MTR Station
continue reading
Opening Hours
Mon - Sat
11:00 - 15:30
18:00 - 23:00
Sun
18:00 - 23:00
Above information is for reference only. Please check details with the restaurant.
Recommended Dishes
Signature Dishes
$208任飲任食打邊爐仲要包一大盤海鮮，個隻龍蝦係落左單後望住佢係魚缸度攞出尼，真係新鮮，所以龍蝦係最好味，新鮮爽口彈牙，呢個價錢仲要包有啤酒任飲，唔係佢太偏遠，我應該會成日同班FD尼食，抵過去旺角。
continue reading
今晚去開紅磡搵朋友，朋友話崇潔街有間海鮮打邊爐平靚正，好過去食大財團，今晚就由佢帶我去滾!地方寬闊，坐得舒服，門外店內都可以看到生猛游水海鮮，直覺質素應有保証，心情大好!最貴的6:30-9:30時段都只係$208蚊，任飲任食，劃一收費。鍋底有4個特色鍋底選擇:麻辣雞鱔煲，火焰魚，火焰台山五味醉雞，同埋龍穿鳳。我地揀左龍穿鳳，即胡椒海蝦雞窩。呢個鍋底超級多料，絕對唔使加味精都好夠味!而且胡椒味好濃!我地直頭當湯咁飲左幾碗。海鮮拼盤好有驚喜，有鮑魚，龍蝦，鮮蝦，花蟹，貴妃蚌，蜆同螺，相當新鮮鮮甜，份量唔小!半邊龍蝦有我手掌咁隻手大，佢肌肉相當結實，好感動呀。美國安格斯手切肥牛，色澤鮮紅，肉質鮮嫰很有牛味，好大碟，好岩我地呢啲牛魔王。另外有個蔬菜籃。鯇魚腩肥美嫩滑，啖啖肉冇骨!好正!我地雖然得2個人，但店方沒有因此縮減食材份量。反而我地要主動要求份量俾少啲。服務非常好，店員熱情有禮會幫我地換骨碟執枱。$208蚊有龍蝦新鮮海鮮拼盤且配料任飲任食，實在超值!完全明白點解原味棧會零劣評!很有良心的小店，大力支持!
continue reading
2017.09.28 😊【新鮮抵食醉鵝海鮮窩】紅磡崇潔街 位於紅磡、馬頭圍道附近可能是港鐵尚未通車關係 人流亦不算太多最近的黃埔站亦要行十幾分鐘才到其實這條街又名祟潔美食街大大小小的餐廳開滿整條街🤗當中不乏特式小店還會設計成日本居酒屋的模樣令人流連忘返😍而小妹則被一間海鮮打邊爐 吸引著不論是店內的裝潢還是食物的質素 亦值得鼓舞火焰台山五味醉鵝 $208 (每位加$30)醉雞就常見 醉鵝小妹就不曾試過🐔這個套餐標榜著是放題 任飲任食除左主角醉鵝外 另外還附上海鮮拼盆及鮮牛肉、蔬果籃 (任食)、肉食 (任食)超級豐富 可以食到滿載而歸對於放題這個詞語 小妹確是挺抗拒就像動物園的小動物 被大量餵食結果食不到食物本身的味道就知道吃多就值回票價😅雖然小店是標榜任飲任食卻給了我很大的驚喜先是主角醉鵝 店員襯著火鍋滾的時候灑上酒及點火 使其做成火焰的效果視覺效果十足然而根據我們當天的經驗😆這個時候千萬不要搶著去試 酒味會太濃建議待鵝都吸收了酒 肉質都吸收會很出色這個時間 海鮮拼盆出場了比我們想像的份量要來得多鮑魚 蝦 桂花蚌 龍蝦 蟹 蜆 東風螺等🦐🐚小妹亦要一再強調每一款海鮮真的真的很鮮食過客人都會一讚除此以外 套餐還有一整碟新鮮的牛肉及滿滿的蔬果籃 蕃茄 粟米 生菜等🥗如果你是個大胃王仲有進食的空間還可以加單 餐食 生根 豬頸肉 雞件等說到這裡 小妹只能說真的真的好飽這裡很適合大胃王及識食一族原味棧 💌紅磡崇潔街32號地鋪Mon-Sat: 1100-1530, 1800-2300Sun: 1800-2300
continue reading
今晚同班朋友係黃埔果頭上完模型堂，終於整完隻高達同噴完色。見大家都肚餓就去工作室附近搵食。行行下行黎去祟潔街，記起之前呢度打邊爐好抵食又好味，就拉隊行左入去反正幾條麻甩佬最啱就係打邊爐，唔洗煩。因為上次食過佢個雞煲，所以今餐就食佢個招牌鍋底－火焰台山五味醉鵝煲。預期一樣超抵食，足足有成隻鵝係入面。店員再加左啲烈酒落去，成個煲都酒氣沖天香味四溢。充滿酒香的鵝肉，咬落惹味十足亦辟去鵝鴨本身嘅羶味。酒精揮發完之後留低醇厚嘅甜味，令湯底嘅層次再升一級。之後係我成晚最鐘意的手切肥牛，上次食完已經眼前一亮。因為佢絕唔係一般任食嗰啲雪藏肥牛。呢度用料非常落本牛肉脂肪分佈好均勻而且厚薄適中，食落去成口都係牛肉味，真係無得輸！同埋老細唔係俾一碟仔得幾塊你，而係俾一大碟起碼都有成三四十塊。淨係黎食肥牛都覺得物超所值。海鮮拼盤照樣有龍蝦有蟹又有鮑魚。以呢個價錢黎講又係超值，大大盤得黎而且好新鮮，朋友鐘意海鮮真係會比左十個like佢。今次轉左少少多左幾款貝類海鮮，依然鮮味十足。三點蟹, 雖然唔係大隻但都好多肉。新鮮蟹肉嘅結實口感表露無遺。龍蝦都係手掌大小嘅本地龍蝦，但蝦膏十足大大啖啜落去，濃郁香滑真係不得了呀！肉質新鮮彈牙，而鮑魚算偏細隻少少，但都勝在夠新鮮同彈牙。最後大家飲飽食醉，大大個健康菜籃只能夠清左一大半，但今餐真係好滿足，又一次俾呢度嘅性價比完美KO了。
continue reading
今次到原味棧嘗試海鮮火鍋放題，$208一位，晚上正價時段由6:30至9:30。火鍋湯底有三款，我就揀左龍穿鳳，個名好得意！龍穿鳳其實即是胡椒海蝦雞窩，套餐包左豪華海鮮拼盤，美國安格斯手切肥牛片仲有時令菜籃。龍穿鳳個湯底胡椒味好重，湯底已經有雞肉同海蝦！雞肉份量十分多！用胡椒湯底令雞肉好入味，而肉質好嫩滑，海蝦新鮮又好大隻！肉質彈牙。淨係湯底材料份量都好多！食完湯底d料就開始食海鮮啦！海鮮拼盤好豐富！有鮑魚，龍蝦，花蟹，北寄貝，海蝦，埾子，螺，蜆，好豐富。所有海鮮都好新鮮！我地將海鮮逐樣放入去煮。當中最愛花蟹和鮑魚，鮮魚肉質彈牙，花蟹味道鮮甜，而龍蝦又好大隻而且仲好多膏！第一次用胡椒味湯底煮海鮮，令海鮮味道提升，除左海鮮本身鮮甜味之外，仲令海鮮味道更野味！食完海鮮就食美國安格斯手切肥牛，牛肉味好重，配合胡椒的野味，剛剛好！完全唔使點醬油已經夠晒味！套餐仲有個時令菜藍，有金菇，生菜，冬菇，蕃茄，粟米，全部都好新鮮！食完肉食番d菜好似健康d！d菜用胡椒湯底煮完勁好味！除了套餐包括的主食材之外，仲有其他火鍋料是任點，以依個價錢黎講都算幾抵食！
continue reading