Video
Read full review
2013-03-10
1605 views
在三月第一個長週的星期六下午, 放工後同太座來這區睇開倉, 去開倉的地點前專登過來這裡見識一下這店,因為都好多正面讚賞, 難得來到附近, 當然唔會錉過此機會, 店的面積不大, 如果平日食晏來必定人山人海嘞,座位頂多只可以座20人左右, 廚房亦相當簡潔, 因為只有雪柜, 扒爐 & 炸爐, 再加上一部即磨咖啡機, 汽水類放門口那部企身雪柜, 牆上亦沒太多裝飾, 師傅是老闆, 老闆亦是師傅那種一腳踢形式, 老闆是個帶點板仔味道的小伙子, 收銀是個約20歲的女孩, 全部柯打是叫一個做一個, 我們的柯打有:蘑菇burger set $47 – 飽同薯條會用一張爉紙包住, 外觀有點似食街邊腸粉, 個漢堡飽質地好軟熟, 中間件漢堡扒似乎是手刴而不是絞肉那種, 因為件扒肉質還有些粒粒的肉碎,漢堡扒的調味沒太重手, 蘑菇片沒有罐頭貨那鐵的金屬氣味,唔通佢用新鮮本地蘑菇?個汁雖然唔多但都算是足夠了吧,跟餐要了羅宋湯,一飲反而覺得是一個蕃茄雜菜湯, 味道偏酸但自己喜好”酸” 所以問題不大, 好有住家湯那種稀身湯水的感覺, 超級至尊dog set $47 –這裡的熱狗飽比一般”嘉頓” 的長1/3, 腸的口感同
蘑菇burger set $47 – 飽同薯條會用一張爉紙包住, 外觀有點似食街邊腸粉, 個漢堡飽質地好軟熟, 中間件漢堡扒似乎是手刴而不是絞肉那種, 因為件扒肉質還有些粒粒的肉碎,漢堡扒的調味沒太重手, 蘑菇片沒有罐頭貨那鐵的金屬氣味,唔通佢用新鮮本地蘑菇?個汁雖然唔多但都算是足夠了吧,跟餐要了羅宋湯,一飲反而覺得是一個蕃茄雜菜湯, 味道偏酸但自己喜好”酸” 所以問題不大, 好有住家湯那種稀身湯水的感覺,
超級至尊dog set $47 –這裡的熱狗飽比一般”嘉頓” 的長1/3, 腸的口感同味道都好適中, 淋上面的自家製肉醬雖然肉末不多, 但作為平衡肉腸的肥膩感都是可以的,車打芝士唔算好濃香嗰隻, 但這當然同價錢成正比嘅, 不過如果熱狗飽可以再烤香一點才夾腸效果理應更好吧,跟餐的茶太座話好淡
佢的薯條炸得很有水準呢!全部每條都被炸至外皮一層簿簿的脆衣, 屬於粗條那種,
但又未致係狗牙薯條呾粗碌, 粗度及長度每條都好平均,
最後, 還另外叫了一杯”coffee”估佢唔到咁好,有咖啡的香之餘而不是啡水那類,
還好她在這地點開店, 能夠專心做好她的漢堡及熱狗, 希望佢能夠在這艱難的環境下茁壯成長吧,
Post
