Video
Read full review
2012-02-24
164 views
今日係重要的紀念日, 當然要搵間好嘢嚟開餐啦.而呢間餐廳講咗好耐話要去試試, 但都因各種因素未能成功.今日終於實行了.6:30 未夠去到, 無訂位, 但 walk-in 都 OK, 只要8:00前交枱就得, no problem, Let's Go去到德國餐廳, 當然要飲德國啤酒啦, 叫咗 Maisel Weisse (1L), 可以分開 2 隻杯 (各500ml) 上, 細心, 加分.1L 要成 $102, 即係要 $51 杯, 味道好有麥味, 而且唔太苦, 易入口 (老婆都飲到津津有味), 超值.另外叫咗個前菜沙律, 燒雞沙律 Chicken Romaine, $98串燒雞燒得好入味, 但得一串燒雞比較小家啲, 如果比多串會好啲囉.羅馬生菜夠爽夠甜, 份量可以.好, 跟住叫主菜啦, 叫咗 2 款德國餐, 除了啤酒, 當然就係德國腸啦, 德國腸胼盤伴酸椰菜及薯仔沙律 Sausage Sampler, $215成盤嘢有好多款腸, 觀能上已經好滿足. 至於每條腸係咩味道真係已經唔係太記得, 但總括都係好味嘅.除咗德國腸, 唔食德國咸豬手點叫做食德國菜呢, 所以脆皮燒豬肘配酸椰菜及薯仔沙律
而呢間餐廳講咗好耐話要去試試, 但都因各種因素未能成功.
今日終於實行了.
6:30 未夠去到, 無訂位, 但 walk-in 都 OK, 只要8:00前交枱就得, no problem, Let's Go
去到德國餐廳, 當然要飲德國啤酒啦, 叫咗 Maisel Weisse (1L), 可以分開 2 隻杯 (各500ml) 上, 細心, 加分.
1L 要成 $102, 即係要 $51 杯, 味道好有麥味, 而且唔太苦, 易入口 (老婆都飲到津津有味), 超值.
另外叫咗個前菜沙律, 燒雞沙律 Chicken Romaine, $98串燒雞燒得好入味, 但得一串燒雞比較小家啲, 如果比多串會好啲囉.
羅馬生菜夠爽夠甜, 份量可以.
好, 跟住叫主菜啦, 叫咗 2 款德國餐, 除了啤酒, 當然就係德國腸啦, 德國腸胼盤伴酸椰菜及薯仔沙律 Sausage Sampler, $215
成盤嘢有好多款腸, 觀能上已經好滿足. 至於每條腸係咩味道真係已經唔係太記得, 但總括都係好味嘅.
除咗德國腸, 唔食德國咸豬手點叫做食德國菜呢, 所以脆皮燒豬肘配酸椰菜及薯仔沙律 Pork Knuckle一定走唔甩, $175碟豬手送到埋枱先切, 一路切, 啲香味一路吹埋嚟, 口水即刻起勢流; 一路切, 一路聽到卜卜聲, 豬手皮實在太脆了.
切完, 上枱, 即刻嚟一舊, 夠入味但一啲都唔太咸, 皮香脆可口, 但近邊位有啲硬, 肉 ok 嫩而且有少少肉汁, 結果一舊又一舊送入口.
但可惜老婆話食到陣臭豬味, 但我就唔多覺喎, 可能所謂嘅 "臭豬味" 係德國咸豬手應有的味道掛, 唔知呢, 對我嚟講好食就得.
另外, 2 款主菜都有配上酸椰菜及薯仔沙律酸椰菜呢家嘢呢, 小弟不嬲都唔食, 所以比唔到 comment.
至於薯仔沙律, 酸酸凍凍的, 又幾好喎, 食到漏漏哋, 食番幾粒中和吓都唔錯.
飲吓酒, 食吓肉, 談談情, 8:00 埋單交枱走人 (連加一$649, 雖然貴咗少少, 但可接受) , 滿足+開心+肥仔的一餐Post
