Video
Read full review
2018-09-16
142 views
星期六返半日，放工梗係要犒賞自己嘅五臟廟啦荃灣大河道至眾安街呢頭真係好多野食，中西日韓泰乜都有，有時太多野揀都好苦惱唸唔掂食咩，最後決定去邊我最愛嘅地皇美食廣場呢度有好多間小店，價錢一般都夠平易近人嘅，好似我經常食嘅三餸飯，$36蚊食到捧住肚走丫不過今日想食下新野，揀咗呢間平日都見廣場呢度好多人食嘅麵店間店係美食廣場嘅最入面，唔難搵嘅佢有啲似車仔麵，餸同麵底都有得揀包野飲㗎，有羅漢果同豆漿可以揀Order咗之後，老闆會提你幾多分鐘之後返嚟攞我真係計住時間返去，真係煮好咗㗎，好準時👍🏻同埋唔知係咪過咗lunch高峰時間，老闆好好心機幫我調辣味，平時我就好少食辣，亦都食唔到太辣嘅野不過老闆話呢個麻辣味係精萃，會提起成碗麵嘅味道，叫我試下，見佢咁盛意拳拳，就試下啦老闆逐啲逐啲咁加啲辣味，每加一次都叫我試下咁加咗辣味嘅湯又真係香啲嘅，麻多過辣，唔太好辣嘅朋友仔都可以食得到老闆都話如果忙起嚟就做唔到咁幫客調味啦，不過佢都希望可以盡量俾到客食到佢哋最好嘅出品咁話每一個客佢都會提個最好幾耐食晒啲麵，如果唔係口感無咁好，又話飲晒啲湯可以返去加湯等等今時今日仲有呢啲咁有heart嘅小店，真係好滾動佢啲闊
荃灣大河道至眾安街呢頭真係好多野食，中西日韓泰乜都有，有時太多野揀都好苦惱
唸唔掂食咩，最後決定去邊我最愛嘅地皇美食廣場
呢度有好多間小店，價錢一般都夠平易近人嘅，好似我經常食嘅三餸飯，$36蚊食到捧住肚走丫
不過今日想食下新野，揀咗呢間平日都見廣場呢度好多人食嘅麵店
間店係美食廣場嘅最入面，唔難搵嘅
佢有啲似車仔麵，餸同麵底都有得揀
包野飲㗎，有羅漢果同豆漿可以揀
Order咗之後，老闆會提你幾多分鐘之後返嚟攞
我真係計住時間返去，真係煮好咗㗎，好準時👍🏻
同埋唔知係咪過咗lunch高峰時間，老闆好好心機幫我調辣味，平時我就好少食辣，亦都食唔到太辣嘅野
不過老闆話呢個麻辣味係精萃，會提起成碗麵嘅味道，叫我試下，見佢咁盛意拳拳，就試下啦
老闆逐啲逐啲咁加啲辣味，每加一次都叫我試下
咁加咗辣味嘅湯又真係香啲嘅，麻多過辣，唔太好辣嘅朋友仔都可以食得到
老闆都話如果忙起嚟就做唔到咁幫客調味啦，不過佢都希望可以盡量俾到客食到佢哋最好嘅出品咁話
每一個客佢都會提個最好幾耐食晒啲麵，如果唔係口感無咁好，又話飲晒啲湯可以返去加湯等等
今時今日仲有呢啲咁有heart嘅小店，真係好滾動
佢啲闊麵感覺同刀削麵好似，但就無咁厚，煙煙韌韌咁，粒雲吞好大粒，比乒乓波大，入面都好足料，啲肉比肥膏多好多好多好多，我好怕好似啲點心類食品咬落去滿口膏，呢粒唔會丫，蘿白都炆得好淋又無根，唔怪得上親嚟呢度都有咁多人食啦，要俾個like👍🏻佢丫
Post
