Video
Read full review
2009-08-04
5 views
6月12日, 又係放假日~ 同呀菲黎到九龍灣行街睇戲, 先黎淘大商場搵食, 裏面有條小街好多餐廳, 有各種不同類型嘅食肆. 行到黎ME.N.U, 原來餐牌嘅英文都可以拆做咁解, 佩服佩服~ 我地仲俾佢個2點後第二客下午茶餐特價$9吸引住, d野食都啱我地胃口, 一於食佢啦~!::: 肉醬意粉配酥皮蘑菇忌廉湯 + 凍奶茶 ::: $38肉醬意粉一d都唔馬虎~! 下午茶黎講份量如同午餐, 焗出黎嘅肉醬仲好香, 少少燶咁先有焗嘅味道嘛~ 食落唔算多油, 意粉都幾爽口, 總括係中上級茶餐廳肉醬意粉~酥皮湯都幾好, 略為少少咸, 不過好香蘑菇味… 加埋個凍奶茶, 普通咁啦, 不過$38, 原本呢個價錢都已經好平~::: 小食拼盤 + 凍檸茶 ::: $9更平嘅而家出場! 以$9換購第二客下午茶餐! 我地叫咗個小食拼盤, 因為我地都認為以$9食佢係最抵~ 食物包括3條春卷, 3隻雞翼加一堆豬肉腸, 其實都係一d普通野, 不過$9又真係冇地方可彈~ 雞翼係最好嗰樣, 個汁好好味~ 春卷都唔錯, 可能係因為我鍾意食春卷啦~ 不過如果係$37原價就不太值了…其實本身佢係似靚裝嘅茶餐廳, 自己買飛後會有人
::: 肉醬意粉配酥皮蘑菇忌廉湯 + 凍奶茶 ::: $38
肉醬意粉一d都唔馬虎~! 下午茶黎講份量如同午餐, 焗出黎嘅肉醬仲好香, 少少燶咁先有焗嘅味道嘛~ 食落唔算多油, 意粉都幾爽口, 總括係中上級茶餐廳肉醬意粉~酥皮湯都幾好, 略為少少咸, 不過好香蘑菇味… 加埋個凍奶茶, 普通咁啦, 不過$38, 原本呢個價錢都已經好平~
::: 小食拼盤 + 凍檸茶 ::: $9
更平嘅而家出場! 以$9換購第二客下午茶餐! 我地叫咗個小食拼盤, 因為我地都認為以$9食佢係最抵~ 食物包括3條春卷, 3隻雞翼加一堆豬肉腸, 其實都係一d普通野, 不過$9又真係冇地方可彈~ 雞翼係最好嗰樣, 個汁好好味~ 春卷都唔錯, 可能係因為我鍾意食春卷啦~ 不過如果係$37原價就不太值了…
其實本身佢係似靚裝嘅茶餐廳, 自己買飛後會有人拎d食物比你. 不過佢嘅食物幾特別, 好似有石頭飯… 所以令到感覺同茶餐廳有唔同~ 座位方面都幾闊, 幾乾淨~ 再加埋佢嘅優惠真係沒法擋, 好多人都等2點後先入黎食. 原本$3X嘅餐優惠咗之後都唔駛$25. 如果日日咁食法想唔肥都難~
Post
