Library Restaurant and Bar

Open Now

Now Closed

第二次幫襯，今次帶朋友黎食下。我地無訂位，係出面等左一陣都好快有位。4個人叫左5樣野食：封門牛柳，蜆肉意粉，豬肉腸貓耳朵粉，白酒忌廉青口同埋黑松露醬炸薯條。仲叫多杯四大美人。Overall 感覺係每樣野都放得好精緻，但份量都好少，係幾好食既，但又未至於係必食既感覺。四大美人最impressive 👍🏻似係fruity drink，飲落甜甜地，有少少酒味但都易入口，presentation都好靚但就得好少～咩discount 都無，加一都$154一杯，不過好好醜醜就試下喇。蜆肉意粉啲蜆肉粒粒都肥美，唔錯。貓耳朵就硬左啲～另外叫封門牛柳果陣staff無問我要幾多成熟，黎到個樣似5成～唔係話好tender不過都咬得爛既。同埋一開頭問staff要杯暖水，黎到杯水有好多黑點點🤨好彩佢都願意幫我換過杯。仲有就係如果坐入面都有機會聞到出面啲煙味。總結係如果多人聚會就唔太建議依間，每樣野都可能分得一啖～可能你話叫多啲野食未飽囉，但我地試左幾樣野後都無話想特別叫其他野lu。