Gochi (Closed)

喺樂富來講呢間西式餐廳算係一間環境唔錯嘅餐廳。總共分為兩層，下層係有吧枱，全部高櫈，不過勝在可以見到調酒師調酒；上層就係有卡位，坐得比較舒服，另外景觀啱啱可以望到巴士總站同天橋位，感覺上景觀開陽！皇后薄餅：呢個Pizza有水牛芝士、羅勒、蕃茄醬。呢個薄餅味道唔算十分分濃郁，不過Pizza底幾好食，好鬆脆。野菌大啡菇意大利飯：呢個意大利飯有多種野菌、意大利Bacon、忌廉、原隻大啡菇。味道好濃郁，野菌味好重，一個人食可能會太膩，所以建議同朋友一齊分享。