One Bar (Closed)

琴晚中環突然好大雨, 於是同男友搵左間最近既餐廳食飯, 估唔到有意外驚喜, 由於平日人唔多好寧靜, 坐得好舒服。佢有 A La Cart 同主菜加小型buffet, 我地要左兩知主菜buffet 每位 HK$248+10%。主菜選擇有燒大蝦、西冷牛扒、t 骨羊扒、燒鴨肝+意粉、燒三文魚等。我第一次食 t 骨羊, 好滑但骨中間比較難熟, 唔見得血既就唔好要呢個。我男友個西冷好有燒烤味, 唔錯。Buffet 雖然種類唔多但一d都唔cheap, 生蠔新鮮又甜, 拍得住洲際酒店。長蟹腳就度度差唔多d 蝦好食過佢, 魚生得三文魚同吞拿魚, 個薯蓉同蘑菇湯就好正。甜品唔多, cheese cake 細細件可以接受, 生果有哈密瓜、西瓜同密瓜, 都有瓜味好食。 雪榚就真係出乎意料之外既雀巢士多啤梨同雲呢拿, 士多啤梨居然有果肉但色素好多、好紅。咁多野一定食得飽。佢地飲野有happy hour 時段, 放工同d朋友或同事落去飲吓野都幾好。