阿爺燒味

Open Now

Now Closed

話說一起身好想食叉油雞飯，就同紋青去左阿爺燒味😚之前斬過料炒銀針粉，好好味，今次食燒味飯試下！呢度環境比一般嘅燒味店更加企理整潔，裝修都幾特別。食得叉燒當然要食「半肥瘦」啦！呢度嘅叉燒燒得香，肉唔乾，又無筋，真係值得一讚！豉油雞髀唔會太肥，好靚仔！同紋青閒聊過幾次，究竟阿爺燒味係咪真係有阿爺坐鎮😂😂今日坐入舖食，佢哋每個都好有禮貌，聽到員工言談間真係有叫到阿爺同阿嫲，一家人嘅小店，一路睇，一路都覺得好有愛🥰燒味整體上都做得唔錯，但係蔥油可以做得再香啲，就更好😆因為今日太想食雞髀，所以加左十蚊要雞髀雙拼飯， $55包嘢飲或者湯，我個人黎講覺得價錢ok。