Hiring
13
21
8
Level3
80
0
好有日式既味道
2017-09-02 509 views
今日約咗兩個朋友好早返學校整野，由於效率快，好快就整完，所以就一齊去食個lunch，再返黎搞活動。成日都係呢頭附近食野，但未試過呢間，朋友又想試下烏冬，所以今日就決定試下呢間日本野。由店鋪外面的透明玻璃可以見到廚房入面既情況。店員都忙於煮烏冬，應付中午即將黎既食客order。十二點黎到，時間尚早，食客唔多，入到去只見到有一兩枱食客。諗好食咩，就可以走去拎托盤落order。落完order之後，店員就會預備食物。好快一碗烏冬就會整好放在櫃枱，你要自己將碗烏冬由櫃枱放上托盤上，餐具係側邊。如果你點咗熱既食物，店員仲會好貼心咁提點你︰「小心熱啊！」有咗碗烏冬，你就可以將托盤移到收銀處俾錢，途中你可以order炸物，小食或飯團。因為我同朋友都點咗大碗烏冬，份量已夠，冇再order其他。咁樣既拎托盤點餐法，讓我想到曾經係日本都係咁樣點餐，係日本旅行既記憶又浮現起腦海中，好想再去多次啊！！！朋友見天氣炎熱，所以特意點咗凍既醬油烏冬（大），大讚好味！另一個朋友點咗清湯牛肉烏冬 （大），可以見到有肥牛片同埋洋葱，朋友評價唔錯！而我自己就點咗豚骨湯烏冬（大），烏冬爽口彈牙，豚肉分量不少，肥瘦剛好，豚肉味濃
Read full review
今日約咗兩個朋友好早返學校整野，由於效率快，好快就整完，所以就一齊去食個lunch，再返黎搞活動。
成日都係呢頭附近食野，但未試過呢間，朋友又想試下烏冬，所以今日就決定試下呢間日本野。
16 views
0 likes
0 comments
由店鋪外面的透明玻璃可以見到廚房入面既情況。

21 views
0 likes
0 comments
 店員都忙於煮烏冬，應付中午即將黎既食客order。

十二點黎到，時間尚早，食客唔多，入到去只見到有一兩枱食客。諗好食咩，就可以走去拎托盤落order。落完order之後，店員就會預備食物。好快一碗烏冬就會整好放在櫃枱，你要自己將碗烏冬由櫃枱放上托盤上，餐具係側邊。如果你點咗熱既食物，店員仲會好貼心咁提點你︰「小心熱啊！」

有咗碗烏冬，你就可以將托盤移到收銀處俾錢，途中你可以order炸物，小食或飯團。因為我同朋友都點咗大碗烏冬，份量已夠，冇再order其他。
咁樣既拎托盤點餐法，讓我想到曾經係日本都係咁樣點餐，係日本旅行既記憶又浮現起腦海中，好想再去多次啊！！！
醬油烏冬（大）
$35
25 views
0 likes
0 comments
朋友見天氣炎熱，所以特意點咗凍既醬油烏冬（大），大讚好味！
清湯牛肉烏冬 （大）
$44
33 views
0 likes
0 comments
 另一個朋友點咗清湯牛肉烏冬 （大），可以見到有肥牛片同埋洋葱，朋友評價唔錯！

豚骨湯烏冬（大）
$47
27 views
0 likes
0 comments
 而我自己就點咗豚骨湯烏冬（大），烏冬爽口彈牙，豚肉分量不少，肥瘦剛好，豚肉味濃，還有半隻蛋同埋少量西蘭花。豚骨湯味濃但唔咸，每食一口烏冬都充滿豚骨湯既味道，可以食哂成碗，值得encore！

食完之後，已經見成間餐廳坐滿哂！見有食客等緊，我地都好快起身讓張枱出黎。
仲有，呢到係自助形式，所以食完要自己拎埋食具同埋托盤去托盤及食具回收處。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2017-08-26
    Dining Method
    Dine In
    Spending Per Head
    $50 (Lunch)
    Recommended Dishes
    豚骨湯烏冬（大）
    $ 47