拉麵來 (Closed)

經常經過大坑都會見到呢間好有懷舊風味嘅日式舖頭，佢嘅裝修令人好似去咗日本咁樣，餐廳入面唔係好多座位，主要以高枱為主。入面牆上掛咗好多日本嘅海報同好多懷舊嘅玩具，餐牌嘅設計亦都好有日本風味，成本都係畫出嚟嘅，好特別。➡️ 鮮鯛魚雞白湯拉麵 ($108)拉麵可以自由選擇硬或者柔軟，湯嘅濃度同蔥嘅份量，以及蒜蓉都可以選擇。今次我就揀咗呢個”人間限定”嘅拉麵，原因係呢個季節係品嚐鯛魚嘅最佳時候。可以見到鯛魚嘅份量都算幾多，味道都好特別。湯底唔會太鹹，整得好入味，配上呢個鯛魚嘅味道都算幾夾，不妨一試！➡️ 自家製嘅餃子 ($40)睇落去煎得又香又金黃，上菜時仲係熱辣辣，一咬入口啲肉汁慘出嚟，食落非常正！拉麵來地址📍: 大坑浣紗街20-22號地下B舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️