申子居酒屋

Open Now

Now Closed

今日要同FD飲一杯，一早book定曬位。哩間居酒屋裝修得好日本風，晚上基本full曬飲品。宜家大部分做緊買一送一，好抵飲。黃金生薑酒，好特別嘅一款果酒。入口微甜，略帶少少薑味同酒味，幾好飲。西尾抹茶凍鮮奶，抹茶唔會好苦，飲落少少回甘。牛奶用咗鮮奶，成杯嘢唔會好甜，唔錯。海葡萄冰菜沙律，冰菜偏脆口，加入海葡萄，仲會有爆漿口感。落咗大量日本沙律醬，每一啖沙律都裹滿醬汁，食落好清爽。蓬鬆玉子，做得好似大阪燒嘅。玉子煎得柔軟蓬鬆，入口即化。醬汁偏酸甜，同玉子好夾。鮮蟹肉粥，落咗大量蟹肉同魚籽，仲有一條松葉蟹腳TIM。粥底綿軟粘稠，花咗唔少功夫去煲制。大量蟹肉加入，食落粥底鮮甜無比。魚籽加入，仲豐富咗口感。壽喜燒，偏關東風味。壽喜燒湯底清澈微甜，蔬菜嗦曬湯底滋味，食落更加鮮甜。牛肉質素唔錯，煮耐少少，食落都好軟嫩，唔會覺得韌。