一鼎茶

Open Now

Now Closed

今日有幾單要去交收，出左去幾個地方，最後既站點係屯門，又累又口乾，見到有間賣飲品既專門店，見餐牌都幾多選擇，又睇到圖片好吸引，咁就自己飲埋順便幫人買埋，不過呢間係特別多人，呢度既店員都好快手，好有速度，等緊既時侯就係咁睇住佢地工作，入面既廚房好乾淨，睇到佢地做得好快好熟手！🫰🏻牛油果草莓沙冰🫰🏻呢一杯主要都係甜味為主，夠晒凍，成杯都係沙冰，特別好飲，上面仲有層厚厚既忌廉，最正就係一齊飲埋好Creamy，牛油果既味好清新，係一杯唔錯既飲品！🫰🏻芝士奇異果🫰🏻呢杯就買比細佬，芝士味好濃厚，然後成杯都係奇異果，平時好怕食完奇異果之後個感覺，呢一杯完全地好飲，份量好大杯，分兩餐飲都仲得 ！🫰🏻莓芝莓芝🫰🏻個名好有趣，裡面既芝士味都好香濃，濃濃既芝士味再配上草莓，味道好夾味，無諗過係咁好飲 ！