Chapter 3 Steak Bar & Restaurant (Closed)

成條花園街都好多唔同類型餐廳，揀咗呢間環境唔錯嘅酒吧餐廳，感覺特別有氣氛✨🕸食物🕸1️⃣炭燒美國頂級牛柳$128: 醬汁可揀燒汁/黑椒汁/蒜蓉汁，我就揀咗燒汁！order了五成熟，切開微微紅色，食到有少少既炭燒香味，肉質口感好軟淋😋另外加咗$58配龍蝦汁意粉，份量都幾多👍🏻2️⃣水牛城雞翼$88: 通常見到有水牛城雞翼都會叫，醬汁味道有少少辣配埋酒精類飲品一流🤭3️⃣芝士蟹肉焗釀大菇$108: 大菇外皮係用炸嘅方式，入面仍然保持到juicy，芝士溶化喺蟹肉度，味道唔錯🤤4️⃣Nuts$40: 呢個係一坐低比嘅小食，口感好脆沾埋sour cream好開胃。5️⃣Queen beauty$78: 用上荔枝及青檸汁，味道甜甜地好啱女仔飲。🕸環境🕸有沙發及吧枱位置，地方都好夠大，仲有三部大電視啱晒睇波既朋友🙈環境好有氣氛，好啱聚會傾偈。🕸服務🕸店員非常主動又好禮貌，枱上面有紙巾都好快幫我哋收拾好，上菜時間都唔駛等好耐。