Lemongrass (Closed)

不嬲都鍾意食泰國嘢嘅，朋友生日揀咗係奧海城度食， 咁岩佢又想食燒物，呢到就啱晒我哋！首先嚟到見到地方好闊落，光猛乾淨，店員服務都唔錯滿面笑容！因為好肚餓所以首先叫咗個招牌海南雞飯雞肉超滑！而且冇骨實在啱晒我哋呢啲懶人！雞油飯都非常香，搞到好想tim飯！朋友最鍾意食炒金邊粉，食餐泰國嘢都一定會叫！呢度嘅蛋網炒得好靚，味道都好岩我胃口，加上砂糖、花生碎、辣粉，簡直一流！等左一陣燒生蠔同燒帶子都黎啦，未食已經聞到陣陣嘅牛油香味！一食落去仲有好多炸香左既蒜頭！真係超邪惡但又難以抗拒！配合埋海鮮嘅鮮味，真係過足口引！食食吓香口野就好想飲番個椰皇，超甜！