Video
Read full review
2019-06-25
105 views
今日想搵一間環境舒服既餐廳同朋友傾下計。首先登場嘅係海蜇，爽口嘅海蜇同香濃海膽汁融為一體，濃而不膩。面頭仲有鵪鶉肉絲，配上少量芝麻醬，味道唔錯。伴碟既脆脆好似薯片咁，撈埋海蜇一齊食，口感更豐富。花膠螺頭片波士頓龍蝦湯，味道濃郁，口感較稠。龍蝦味道突出，香口惹味，仲有啖啖花膠，係奢侈既享受。相比龍蝦湯，金箔阿拉斯加蟹肉南瓜蛋白羹比我既又係另外一番感受。味道以香甜、鮮味為主，底層仲有一層蛋白。湯有淡淡南瓜香，蟹肉新鮮，令人一口接一口。一向都對慢煮既食物情有獨鍾，蒙古調味麥芽糖慢煮澳洲法式烤羊架，肉質依然保持到粉嫩嘅顏色，肉汁被牢牢鎖住其中，咬落去肉汁豐腴，羊羶味亦都唔重。好有鑊氣既秘製XO醬蘆筍炒北海道帶子，帶子鮮甜，帶點XO醬香，蘆筍則夠乾身爽口。黑珍珠燒賣既海膽汁咸香，燒賣大大粒，好足料。回想起以前細個係酒樓嘅燒賣，餡料咁飽滿嘅燒賣已經好多年冇食過啦！金箔紅酒烏梅山楂糕既烏梅同山楂味十足，味道偏酸，如果本身鍾意山楂嘅朋友一定會好鐘意！
首先登場嘅係海蜇，爽口嘅海蜇同香濃海膽汁融為一體，濃而不膩。面頭仲有鵪鶉肉絲，配上少量芝麻醬，味道唔錯。伴碟既脆脆好似薯片咁，撈埋海蜇一齊食，口感更豐富。
花膠螺頭片波士頓龍蝦湯，味道濃郁，口感較稠。龍蝦味道突出，香口惹味，仲有啖啖花膠，係奢侈既享受。
相比龍蝦湯，金箔阿拉斯加蟹肉南瓜蛋白羹比我既又係另外一番感受。味道以香甜、鮮味為主，底層仲有一層蛋白。湯有淡淡南瓜香，蟹肉新鮮，令人一口接一口。
一向都對慢煮既食物情有獨鍾，蒙古調味麥芽糖慢煮澳洲法式烤羊架，肉質依然保持到粉嫩嘅顏色，肉汁被牢牢鎖住其中，咬落去肉汁豐腴，羊羶味亦都唔重。
好有鑊氣既秘製XO醬蘆筍炒北海道帶子，帶子鮮甜，帶點XO醬香，蘆筍則夠乾身爽口。
黑珍珠燒賣既海膽汁咸香，燒賣大大粒，好足料。回想起以前細個係酒樓嘅燒賣，餡料咁飽滿嘅燒賣已經好多年冇食過啦！
金箔紅酒烏梅山楂糕既烏梅同山楂味十足，味道偏酸，如果本身鍾意山楂嘅朋友一定會好鐘意！
Post
