小包包 (Fashion Walk)

Open Now

Now Closed

我諗應該好多人都食過佢地嘅雪糕包，之前係中環食過一次，而家銅鑼灣開左仍店仲方便，呢到室外環境好靚。炸雞脆脆炸雞外脆內多汁，雞肉嫩滑唔乾。墨西哥炸雲吞新鮮炸起脆卜卜，加左蘋果粒味道酸酸甜甜幾好味。凱撒沙律同我地平時食嘅凱撒沙律有少少唔同，有椰菜有生菜，新鮮爽脆，有蝦乾，乾蒜，味道咸咸地，加上醬汁唔會過多，恰到好處。黑松露薯條薯條新鮮炸起，熱辣辣脆卜卜，加左黑松露味道香濃，上面仲有醃蘿蔔，酸酸甜甜解下膩。魚包2.0魚柳好大塊，炸到外脆內軟，咬落好juicy，炸粉唔厚，加上芝士味道好濃，醬汁好味，個包超級鬆軟。