Video
Read full review
2024-10-21
516 views
平時老公放假既日子我地一家都好鍾意入將軍澳行街，呢日我哋去完街玩，夜晚諗住喺將軍澳搵間餐廳食，上OpenRice見到原來呢邊有間好有特色嘅Pizza餐廳，於是就揀咗係呢度食😋我哋星期六夜晚6:30左右過到嚟，餐廳都多人，留電話等位大概5-10分鐘左右就有位啦🙌🏻下次過嚟要book定枱穩陣啲🤓🔸BBQ CHICKEN PIZZA- 烤雞、紅洋蔥、甜椒、水牛芝士、芫荽、蕃茄、燒烤醬黎pizza餐廳梗係要叫佢地既Pizza啦👍Pizza有分15吋或30吋薄餅，見到隔離枱叫左30吋，真係勁長，好震撼視覺👀✨岩晒同一大班朋友分享🙌🏻我地得2個大人同1個小朋友，大家食量唔大，叫15吋就岩岩好～個人口味而言，我好鐘意pizza上既配菜有洋蔥同甜椒，加上bbq醬既惹味同烤雞好夾，再加上面頭既新鮮芫荽，更添清新👍餅皮唔會太厚，口感煙靭，上菜夠晒新鮮熱辣，真係好好味😋🔸BEER BATTERED FISH AND CHIPS- 炸魚薯條、他他醬、烤檸檬、雜菜沙律、薯條 非常出色既fish and chips，炸魚既粉漿夠晒金黃脆口，入邊嘅魚炸得非常多汁嫩滑，外脆內嫩，加上魚肉嘅鮮味，非常出色。薯條方面，炸
🔸BBQ CHICKEN PIZZA
- 烤雞、紅洋蔥、甜椒、水牛芝士、芫荽、蕃茄、燒烤醬
黎pizza餐廳梗係要叫佢地既Pizza啦👍Pizza有分15吋或30吋薄餅，見到隔離枱叫左30吋，真係勁長，好震撼視覺👀✨岩晒同一大班朋友分享🙌🏻我地得2個大人同1個小朋友，大家食量唔大，叫15吋就岩岩好～個人口味而言，我好鐘意pizza上既配菜有洋蔥同甜椒，加上bbq醬既惹味同烤雞好夾，再加上面頭既新鮮芫荽，更添清新👍餅皮唔會太厚，口感煙靭，上菜夠晒新鮮熱辣，真係好好味😋
🔸BEER BATTERED FISH AND CHIPS
- 炸魚薯條、他他醬、烤檸檬、雜菜沙律、薯條
非常出色既fish and chips，炸魚既粉漿夠晒金黃脆口，入邊嘅魚炸得非常多汁嫩滑，外脆內嫩，加上魚肉嘅鮮味，非常出色。薯條方面，炸得夠晒香脆，食落有少少鮮味，令人食唔停口，正！
🔸PINEAPPLE & PEACH
菠蘿蜜桃沙冰
沙冰既質感好軟滑，飲落係好清新嘅香甜果味，蜜桃同菠蘿嘅味道好融和，整體夠晒清新解渴又降溫👍
🔸OREO MADNESS
Oreo曲奇朱古力忌廉奶昔
好邪惡嘅飲品，奶昔嘅質感濃厚，飲落好香曲奇朱古力味，面頭嘅忌廉好足料😍曲奇朱古力控岩晒，阿女超鐘意飲😋
餐廳嘅裝修係清新風，有室內或者室外嘅位置，室外帶埋寵物一齊嚟食都OK，上菜速度快，如果平日過嚟仲有唔同嘅優惠，相當唔錯既晚餐體驗🥰
Post
