越滿 (Closed)

今日放工同朋友去左洗衣街個條街搵下食咩好。見到有間幾特色既越南餐廳。好似幾吸引。見天氣咁凍，好想食番碗熱辣辣既湯河！🍵暖下個胃。入到去好有越南feel,播住d越南話既歌。周圍既裝修都好有特色。玻璃櫃都放有一些越南既食品。坐座亦好舒適，都是卡位座，很闊落。👍選擇都幾多。價錢平民化，幾十蚊。想食生牛肉河，見到佢有幾種牛，又唔知邊隻好。所以叫左碗 越滿和牛湯河。 咩都有，唔洗諗 😎好大碗！！個碗大到可以洗面。好誇😂幾欣賞佢係上左菜先倒湯汁，因為通常叫d生牛肉，黎度都已經熟左 🙄,都唔再係生牛肉。而咁樣做，就可以真係食到生牛肉喇！佢有日本，澳洲和牛，牛舌，牛小排，牛丸。如果問我邊隻和牛好味，就分唔到喇 😂但食落塊塊牛都真係比起出面食既肥牛好味。佢既肉質好嫩滑，唔會覺得韌。好有牛味！😋而個湯底牛味亦很重，連埋河粉一齊食。👍仲叫左碟炒芥蘭 。牛油雞翼🐔本身炸已經好油，仲要牛油。太邪惡了！😩食落會食得出牛油味。感覺再咸一些會更好味！叫左個 椰青，解一解膩先！唔知呢個椰青係咪越南產地。佢個椰青水同椰青肉比平時個d 好似唔同。感覺更甜。而且佢d椰青肉好容昜就刮到出黎，好鐘意食 ！😂仲叫左個 燒雞飯 🐔。