阿元來了 (北街)

Open Now

Now Closed

阿元來了都已經係香港開左一段時間，每次路過嘅分店都見到排隊人數非常之多，今日路過堅尼地城見到呢間分店唔算特別多人，所以就等左陣位入去試一試。阿元滷肉飯佢嘅滷肉飯分左普通版或者阿元滷肉飯，分別係大碗啲同埋多左半隻滷水蛋。佢嘅滷肉油香味好重，唔會太乾同硬，肉都煮到好淋，配合埋入口溶化嘅肥膏，撈埋個飯食一流。鹽酥雞鹽酥雞炸得十分香口，然後裡面依然係肉汁滿滿，調味亦唔會過份喊，同埋佢唔會太細粒，大大件超滿足。台灣黑輪拼盤以魚醬製成嘅黑輪，味道同食魚蛋差不多，爽口而且扎實。另外豆卜包魚蛋同時食到豆腐既軟滑同魚蛋嘅爽口，都幾特別。滷味拼盤有豬耳、豆腐、蛋、雞翼，滷得十分入味而唔會過咸。蚵仔煎蛋香味好重而且唔會煎到好老，蚵仔新鮮又大粒，饀料豐富，外脆內黏，配埋甜辣醬食不錯。