Video
Read full review
2020-12-12
558 views
正所謂秋風起，三蛇肥，眼見港島食蛇嘅地方買少見少，於是就襯天氣寒寒地，走去試下！地點：雖然第一街唔係一啲大街，但佢係正西營盤港鐵站出口斜對面，地點好方便環境：舖頭唔算大，普通小店嘅模式，餐廳光鮮乾淨，而且用上摺檯圓櫈，極具香港本土氣息！食物質素：叫左一個皇牌蛇套餐，入面係所有蛇舖嘅招牌食品，有一碗五蛇羹、五蛇湯同埋單腸糯米飯，另外仲叫左一份雞脾。以前去啲無乜誠意嘅蛇舖都係配料多過蛇肉，食落去成碗碗仔翅咁，但蛇王海嘅呢碗五蛇羹，真係足料到不得了！蛇肉仲多過其他料，火喉又好足夠，而且蛇肉又唔會煮得太老太淋，食落好有口感。味道方面啱啱好，唔洗落胡椒粉同醋都無問題！再加多少少香氣撲鼻嘅檸檬葉，甘香味更能帶出蛇羹嘅味道！再加入無限量供應嘅香口脆片，吸曬濃郁嘅蛇羹味，真係好滿足！初初以為五蛇湯應該無乜特別，點知原來佢地煲嘅湯都好濃郁而且全無落味精！味道方面會有少少中藥味，但又會帶少少香甜嘅味道，飲完之後成個人都暖粒粒糯米飯嘅份量相對較細，但食完蛇羹同羹湯之後都已經七成飽，糯米飯水準係average以上，潤腸外皮好脆，咬完入面嘅油份流曬出黎，但又唔會有好肥膩感覺，好滿足！服務：以前蛇舖比我感覺係啲上
地點：雖然第一街唔係一啲大街，但佢係正西營盤港鐵站出口斜對面，地點好方便
環境：舖頭唔算大，普通小店嘅模式，餐廳光鮮乾淨，而且用上摺檯圓櫈，極具香港本土氣息！
食物質素：叫左一個皇牌蛇套餐，入面係所有蛇舖嘅招牌食品，有一碗五蛇羹、五蛇湯同埋單腸糯米飯，另外仲叫左一份雞脾。
以前去啲無乜誠意嘅蛇舖都係配料多過蛇肉，食落去成碗碗仔翅咁，但蛇王海嘅呢碗五蛇羹，真係足料到不得了！蛇肉仲多過其他料，火喉又好足夠，而且蛇肉又唔會煮得太老太淋，食落好有口感。味道方面啱啱好，唔洗落胡椒粉同醋都無問題！再加多少少香氣撲鼻嘅檸檬葉，甘香味更能帶出蛇羹嘅味道！再加入無限量供應嘅香口脆片，吸曬濃郁嘅蛇羹味，真係好滿足！
初初以為五蛇湯應該無乜特別，點知原來佢地煲嘅湯都好濃郁而且全無落味精！味道方面會有少少中藥味，但又會帶少少香甜嘅味道，飲完之後成個人都暖粒粒
糯米飯嘅份量相對較細，但食完蛇羹同羹湯之後都已經七成飽，糯米飯水準係average以上，潤腸外皮好脆，咬完入面嘅油份流曬出黎，但又唔會有好肥膩感覺，好滿足！
服務：以前蛇舖比我感覺係啲上左年紀嘅叔叔姨姨開，但店入面嘅人都係後生仔女！感覺當堂有活力左好多！佢地都好熱情咁問我地有咩需要，而且又好有耐性同埋滿面笑容，唔會因為人多而感到唔耐煩。就好似同友人食曬佢成盒脆脆，佢都笑住幫我地refill，之後又成日問我洗唔洗再添😂
又會好熱誠咁介紹佢地嘅產品比我地，例如燉湯同埋撚手浸雞，所以絕對會再番黎幫襯！
價錢：唔洗一百蚊已經食到成個全餐，仲要咁高水準，睇落好似唔係好多野食咁，但最後飽到上心口，個人暖粒粒好抵食！
Post
