Video
Read full review
2018-11-10
121 views
一向我都好鍾意食意大利菜，朋友介紹話喺深水埗有間好地道又性價比高嘅意大利餐廳一定好啱我，重點係唔收加一🤣於是就跟左佢黎「食意」💕呢度嘅裝修俾人一種簡單舒服嘅感覺，地方好整潔由於呢度嘅食物係即叫即整，所以店員首先上咗意大利手工麵包配黑醋俾我哋食住先，麵包上面本身就有少少橄欖油，個人覺得質感似印度烤餅，配埋少少黑醋食，酸酸地都幾開胃，店員仲介紹話用嚟點意粉醬汁仲好味！先黎頭盤！巴馬火腿配哈蜜瓜 $78擺盤真係好有心思👍🏻將火腿卷成玫瑰花形🌹橙色圓形珠珠原來係分子料理既哈蜜瓜汁！好特別！16個月既巴馬火腿鹹香同埋油份都好適中，配埋多汁鮮甜嘅哈蜜瓜，真係絕配！野菌醬蒜香意式烤麵包 $48麵包烤得非常之香脆好似薯片咁，野菌醬用咗白菌、冬菇同埋蟹味菇加忌廉製成，所以味道非常濃郁，口感幼滑得黎又保留少少粒狀菇肉，喜歡食菇嘅朋友必試！美國黑安格斯護心肉配黑醋醬及巴馬臣芝士 $148賣相同擺盤同樣非常之精美💕黑醋醬酸酸甜甜好開胃，再加上好似雪粉一樣吸引嘅芝士🤤呢個護心肉係店員推薦架！位置係近住牛嘅胸腹，牛肉味濃而且肉質淋滑，比較特別同埋唔係到處有得食！我哋揀咗五成熟，味道果然牛味濃郁，又滑又多汁！我幾乎
呢度嘅裝修俾人一種簡單舒服嘅感覺，地方好整潔
由於呢度嘅食物係即叫即整，所以店員首先上咗意大利手工麵包配黑醋俾我哋食住先，麵包上面本身就有少少橄欖油，個人覺得質感似印度烤餅，配埋少少黑醋食，酸酸地都幾開胃，店員仲介紹話用嚟點意粉醬汁仲好味！
先黎頭盤！巴馬火腿配哈蜜瓜 $78擺盤真係好有心思👍🏻將火腿卷成玫瑰花形🌹橙色圓形珠珠原來係分子料理既哈蜜瓜汁！好特別！16個月既巴馬火腿鹹香同埋油份都好適中，配埋多汁鮮甜嘅哈蜜瓜，真係絕配！
野菌醬蒜香意式烤麵包 $48麵包烤得非常之香脆好似薯片咁，野菌醬用咗白菌、冬菇同埋蟹味菇加忌廉製成，所以味道非常濃郁，口感幼滑得黎又保留少少粒狀菇肉，喜歡食菇嘅朋友必試！
美國黑安格斯護心肉配黑醋醬及巴馬臣芝士 $148賣相同擺盤同樣非常之精美💕黑醋醬酸酸甜甜好開胃，再加上好似雪粉一樣吸引嘅芝士🤤呢個護心肉係店員推薦架！位置係近住牛嘅胸腹，牛肉味濃而且肉質淋滑，比較特別同埋唔係到處有得食！
我哋揀咗五成熟，味道果然牛味濃郁，又滑又多汁！我幾乎一個人食咗成碟🤣
不得不提，所有伴碟嘅意大利菠菜同埋碗豆苗都係老闆指定，選用由意大利飛機空運到港㗎，完全食得出嗰份鮮甜同埋對出品嘅要求！👍🏻
經典卡邦尼扁面 $88
用咗正宗卡邦尼面做法，主要有芝士、忌廉、蛋黃、蒜蓉同埋洋蔥，豬肉係風乾既，咸香極濃口感仲脆卜卜，配埋手工製成嘅意大利扁面，煙韌彈牙而且掛汁一流，我同朋友都讚口不絕👍🏻👍🏻👍🏻
咖啡焦糖燉蛋配雲呢拿雪糕 $58
焦糖燉蛋就食得多，呢個係用咖啡做嘅又真係幾特別，濃味嘅咖啡配上面層既焦糖薄脆，就好似飲緊焦糖咖啡一樣，再配埋雲呢拿雪糕🍦就係咁為我哋嘅晚餐畫上咗一個完美嘅句號。
Post
