Soul Good (Moved) New Location

今日去左呢間Soul good 到食左一碟意粉同一份咸豬手。首先講講黑松露忌廉意大利粉，都只係88蚊，足料，好香黑松露味，鐘意食忌廉同黑松露既人應該都會鐘意食，食得出廚師用心既制作。到酥炸咸豬手啦，有一隻咸豬手，薯條夠晒脆，即叫即炸，新鮮既羽衣甘藍做沙律菜伴碟，唔錯唔錯，價錢都唔貴158蚊。環境都唔錯，但係坐位唔多，店內員工都十分熱情，好nice ，好難得仲有咁有熱情工作既年輕人，店入面既歌都好好聽，會再去食過。