Video
Read full review
2017-05-24
817 views
呢晚同老師聽concert 佢請小妹食dinner 今次嚟試新嘢 係佐敦新開嘅fusion菜館「醉胡爐」店員安排我哋咗近門口嘅二人檯 本身以為近街會又凍又熱... 點知一啲街上嘅熱風都feel唔到 行去toilet嗰陣仲發現入面啲位其實幾凍出面反而最舒適 果然早到有靚位坐！由於餐廳名有個「醉」字menu上面 所以好多菜式都加咗酒老師出錢 老師發辦～～首先係「醉胡爐酒泡鮑魚」 叫咗兩客 鮑魚切片 有一定厚度 有咬口 最有意思係個味 沒有想像中嘅酒味 反而係親切嘅港式滷味！係鹵水雞翼嘅風味～～「八爪魚甜椒柚子沙律」用咗梅酒調味 酒味很淡 適合酒量淺嘅朋友 最特別係用咗「珍珠」——並非台式飲品入面嗰啲 佢哋貌似西米、半透明 有分藍色和白色 前者係柚子味 後者係青檸味「法式龍蝦湯配松葉蟹肉」一上台就即刻聞到撲鼻嘅蟹味 但係飲落就係濃郁嘅龍蝦膏... 點解可以味覺和嗅覺享受分別咁大但有各有千秋嘅？！「黑松露雜菌忌廉湯」質感似麥皮 食到好多細菇粒 面頭嘅花紋由忌廉和黑松露拉成 仲加咗少少橄欖油吊味 不過又無令湯面油淋淋「黑松露野箘蟹肉酥皮花」賣相精美 味道都有一定水準... 酥皮好薄 口感一流 砌
店員安排我哋咗近門口嘅二人檯 本身以為近街會又凍又熱... 點知一啲街上嘅熱風都feel唔到 行去toilet嗰陣仲發現入面啲位其實幾凍出面反而最舒適 果然早到有靚位坐！
由於餐廳名有個「醉」字menu上面 所以好多菜式都加咗酒
老師出錢 老師發辦～～
首先係「醉胡爐酒泡鮑魚」 叫咗兩客 鮑魚切片 有一定厚度 有咬口 最有意思係個味 沒有想像中嘅酒味 反而係親切嘅港式滷味！係鹵水雞翼嘅風味～～
醉胡爐酒泡鮑魚
30 views
0 likes
0 comments
「八爪魚甜椒柚子沙律」用咗梅酒調味 酒味很淡 適合酒量淺嘅朋友 最特別係用咗「珍珠」——並非台式飲品入面嗰啲 佢哋貌似西米、半透明 有分藍色和白色 前者係柚子味 後者係青檸味
八爪魚甜椒柚子沙律
22 views
0 likes
0 comments
「法式龍蝦湯配松葉蟹肉」一上台就即刻聞到撲鼻嘅蟹味 但係飲落就係濃郁嘅龍蝦膏... 點解可以味覺和嗅覺享受分別咁大但有各有千秋嘅？！
法式龍蝦湯配松葉蟹肉
14 views
0 likes
0 comments
「黑松露雜菌忌廉湯」質感似麥皮 食到好多細菇粒 面頭嘅花紋由忌廉和黑松露拉成 仲加咗少少橄欖油吊味 不過又無令湯面油淋淋
黑松露雜菌忌廉湯
16 views
0 likes
0 comments
「黑松露野箘蟹肉酥皮花」賣相精美 味道都有一定水準... 酥皮好薄 口感一流 砌成玫瑰花狀 中間包住蘑菇蓉、芝士漿、蟹絲 黑松露放在面頭
黑松露野箘蟹肉酥皮花
16 views
0 likes
0 comments
「清酒金不換焗托托蜆」同樣酒味唔濃 蜆肉好大粒 最正係入面有超多膏！另外用咗蒜頭和辣椒調味 仲好香胡椒味 未必適合怕辣嘅朋友 不過小妹就好喜歡！
清酒金不換焗托托蜆
37 views
0 likes
0 comments
「威士忌、醉香脆乳豬配薯蓉」係招牌菜 乳豬味道同喺傳統中式宴會上食到嘅無異 但係口感就有好大分別 成塊肉都好鬆脆 連骨都可以咬碎 皮很薄 肥膏唔厚 無想像中油膩 壓喺配菜下面嘅鵝黃色「醬汁」原來係超幼滑薯蓉 仲有芝士味
威士忌、醉香脆乳豬配薯蓉
14 views
0 likes
0 comments
「醉愛老婆芝士餅」嘅質感似musse多過似tiramisu 最入面嗰層係蛋糕 頂層嘅可可粉好醇厚 無咩糖份 酒味濃郁 老師食咗一啖竟然有wingwing哋嘅感覺 仲有nuts嘅味道... 面頭嘅餅碎正是老婆餅
醉愛老婆芝士餅
14 views
0 likes
0 comments
「焦糖鳳梨燉蛋」係必食推介！先將菠蘿挖空 烤成金黃色再倒入蛋漿 烹調成充滿天然菠蘿味嘅雞蛋布丁 好鮮甜 面頭有一層脆糖漿 舖咗少少撕碎咗嘅菠蘿肉 如果大舊啲就好
焦糖鳳梨燉蛋
12 views
0 likes
0 comments
Post
