新鹿鳴居

Open Now

Now Closed

心血來潮想吃潮州打冷，就相約朋友去到位於太和中心地舖的 新鹿鳴居 食晚飯聚一聚。這裏的地方很大，幾乎全場爆滿，見到有好多一家人一圍枱共進晚餐。餐牌菜式種類繁多，每一款都好想試吓。先點了名廚推介的紅燒頂鴿，乳鴿外皮炸得香脆可口，而且肉質很鮮嫩，很滋味呢！不得不叫這裏的招牌滷水鵝片，半肥瘦很好食，點埋醬汁一齊食更加開胃。小菜方面，我們order了馬拉盞炒通菜、鹹魚雞粒豆腐及豉汁蒸倉魚，當中的馬拉盞炒通菜好有鑊氣，而且好入味，少少辣確實好滋味。另外仲有女士養顏的豉汁蒸倉魚，魚肉很鮮嫩，蒸得恰到好處，配白飯一齊食好滿足呀！食飽飯就叫一罐可樂爽一爽喉嚨。這一餐食得很滿足很飽肚，最重要係性價比很高，門口還有很多游水海鮮提供，已經諗定下次同家人來這裏用餐一齊慶祝生日。