相撲手日式放題 (Closed)

之前已經聽朋友講過話相撲手好好食，但係一直都無機會食，今次就同朋友聚會一齊來試一次。入到去個環境都非常之有日式嘅感覺好似去咗日本咁樣，環境同埋佈置都非常之有心事，而且座位都非常之舒服。呢度嘅刺身真係好好食，仲有我最鍾意嘅生蠔添，雖然每一次一張紙咁樣落order我同朋友前後應該都食咗十幾隻生蠔， 生蠔嘅味道都好新鮮，所以食多啲隻都唔怕。仲有呢度嘅串燒都非常之出名同埋好食，全部嘅串燒都唔係現成買嘅而係自己自製嘅串燒，雞肉同埋牛肉串燒我都好鍾意食，同埋呢度嘅熟食都好特別，仲有墨魚汁蛋包飯烏冬炒飯其他特色嘅日本小食係其他放題都食唔到架，加上佢嘅甜品仲要係焦糖燉蛋，味道好好唔會太甜我好鍾意食。餐廳仲要好有心思會幫客人慶祝生日嘅，每一個生日嘅客人都會有一個生日嘅甜品可以食架仲會幫埋生日歌比你添，約埋朋友一齊來慶祝生日就更加有意思。性價比非常之高相信下次都會同朋友出嚟食多次