Video
Read full review
2013-02-17
220 views
聽BIGPACK 依個名就知道同旅行有關, 店裡面果然有賣爬山用既大背包, 同埋其他用品, 不過各位食客大抵都係為食野而黎, 無咩人上前睇貨講番正題, 同朋友3個人預先訂左位,不過因為唔滿客,所以都係隨便坐。可能係外國人開既餐廳, 部份侍應講英文, 中文識聽少少咁, 不過都好有禮貌。係似係經理既介紹之下, 我地叫左個芝士火鍋香腸套餐。朋友好鐘意食香腸, 話香腸都唔錯, 有唔同口味, 白色個隻淡味少少, 雞肉腸就偏咸。個人最鐘意芝士既濃度, 唔似X粉X個D, 好似忌廉湯咁, 起碼都有芝士香味, 不過可能用既芝士唔合本人口味, 覺得略酸, 但依然合格。芝士西蘭花,正!! 不過試唔到下面食友講既"芝士焦", 好似個爐唔係咁夠熱。侍應推介既咸豬手, 肥中帶瘦, 好好味, 唔會得層厚皮, 肉又嫩又滑。依個豬手餐係跟一杯啤酒, 飲唔曬唔緊要, 可以叫侍應俾多個杯, 自己分裝。啤酒泡沫充足,飲到一半仲有保持到, 味道係比一般啤酒淡,但勝左麥味香。我地仲叫左個煙三文魚薯餅, 依個好好味,要三文魚同薯餅一齊放入口, 先會有種軟滑中帶爽既感覺,因為薯餅既薯仔係條狀, 咬落去有口感, 唔會一舊粉咁。 而且
聽BIGPACK 依個名就知道同旅行有關, 店裡面果然有賣爬山用既大背包, 同埋其他用品, 不過各位食客大抵都係為食野而黎, 無咩人上前睇貨講番正題, 同朋友3個人預先訂左位,不過因為唔滿客,所以都係隨便坐。可能係外國人開既餐廳, 部份侍應講英文, 中文識聽少少咁, 不過都好有禮貌。
係似係經理既介紹之下, 我地叫左個芝士火鍋香腸套餐。
朋友好鐘意食香腸, 話香腸都唔錯, 有唔同口味, 白色個隻淡味少少, 雞肉腸就偏咸。個人最鐘意芝士既濃度, 唔似X粉X個D, 好似忌廉湯咁, 起碼都有芝士香味, 不過可能用既芝士唔合本人口味, 覺得略酸, 但依然合格。
芝士西蘭花,正!! 不過試唔到下面食友講既"芝士焦", 好似個爐唔係咁夠熱。
侍應推介既咸豬手, 肥中帶瘦, 好好味, 唔會得層厚皮, 肉又嫩又滑。依個豬手餐係跟一杯啤酒, 飲唔曬唔緊要, 可以叫侍應俾多個杯, 自己分裝。
啤酒泡沫充足,飲到一半仲有保持到, 味道係比一般啤酒淡,但勝左麥味香。
我地仲叫左個煙三文魚薯餅, 依個好好味,要三文魚同薯餅一齊放入口, 先會有種軟滑中帶爽既感覺,因為薯餅既薯仔係條狀, 咬落去有口感, 唔會一舊粉咁。 而且薯仔又可以中和煙三文魚既咸味, 食得無停口, 不過要提大家, 依個菜算前菜, 但係3個人分就會好飽。
甜品係蘋果批+香草雪糕, 配藍莓醬。同樣要3樣一齊食先食到真味。正!蘋果批熱辣辣,配上 雪糕既冰涼, 係好飽既情況下,竟然好快就清曬見底。
Other Info. :
會再去試其他菜式。
(The above review is the personal opinion of a user which does not represent OpenRice's point of view.)
Post
