肉肉強食 by 鋒膳 (Closed)

早幾日去左長沙灣接妹妹收工，喺好肚餓嗰陣經過呢間鋪頭，見到佢大大隻色寫住 「雜扒飯半價」「芝士牛肉漢堡」半價，即刻比佢吸引到，決定試試呢間小店。上到去發現成個裝修都好舊式香港feel，紅色格仔枱布，卡位，七八十年代嘅音樂，同港式鐵板扒餐好夾。雖然都坐到爆爆地，但係唔會好嘈，好岩同朋友黎慢慢坐同傾計。1. 芝士牛肉漢堡 ($24)可以用呢個價錢食漢堡抵到爛，本身冇乜期望，但咬落先發現有好多肉汁，唔會乾爭爭，肥瘦適中感覺上用咗幾種肉去整，味道好得！塊包仲要係洋蔥包，中間仲有蕃茄扒同埋芝士，絕對唔會輸蝕過X記果d漢堡！2. 鐵板牛柳餐牛柳整得過熟好容易變成煲完湯嘅瘦肉，呢到既牛柳無出現咁嘅情況，食落好林，切開望落去仲係粉紅色既肉黎，份量勁足！包餐包湯包野飲同甜品，好耐無食過咁抵又好味嘅晚餐喇！3. 蟹子青瓜沙律食太多肉好有罪惡咁，嗌返d菜定下驚。標準茶記沙律，非常多醬多料4. 芝士焗西蘭花除咗面頭有拉絲芝士、個底仲有好多醬，係芝士忌廉汁黎，汁多得黎夠輕盈唔會好濟個胃太細試唔到太多野，下次再接妹妹收工會再想黎試下其他招牌菜，吉列豬柳！！！