Video
Read full review
2010-03-14
11 views
今日一行六人去咗中環嘅 Balalaika 慶祝媽咪生日，之前訂枱講咗係慶祝生日，餐廳亦好識做地安排咗個驚喜！Starter： 我地叫咗五種唔同餡嘅包：豬肉（似肉醬意粉嘅肉醬）、火腿芝士（好味，溶咗嘅芝士質感好似流沙）、磨菇、玉桂蘋果同三文魚（我無試呢三隻，不過聽講都幾得）。湯：叫咗牛尾羅宋湯、羊肉湯（無酥味！）同南瓜湯，餐廳幫我地一開二之餘仲好有心咁用原裝碗裝，唔係求其俾隻碗你，nice touch！Main Course:-Sausage Platter：餐廳是日推介，有起碼四款唔同嘅腸、好脆嘅薯仔同菜絲。Portion 幾好，每個人每樣都試到；-紅椒汁牛柳配飯：因為有個小朋友所以揀咗個飯，味道一般；-牛肉串燒：Balalaika 名菜，哥仔特登提我地要唔要影相，好細心；之後係熟練嘅點火，勁！最好嘅係：我地叫七成熟，燒完之後完全唔韌，啱啱好！-羊肉粒飯配羊肉同羊肋骨（正名唔記得...）：極力推介，飯入面 D 肉同個飯好夾，D 羊肋骨唔韌，好好味，下次去絕對會再叫！環境：好好，因為係星期日所以成間餐廳得我地一枱，唔嘈，音樂亦唔大聲服務：招呼我地個哥仔同姐仔都好好禮貌，亦都好幫忙，當大
Starter： 我地叫咗五種唔同餡嘅包：豬肉（似肉醬意粉嘅肉醬）、火腿芝士（好味，溶咗嘅芝士質感好似流沙）、磨菇、玉桂蘋果同三文魚（我無試呢三隻，不過聽講都幾得）。
湯：叫咗牛尾羅宋湯、羊肉湯（無酥味！）同南瓜湯，餐廳幫我地一開二之餘仲好有心咁用原裝碗裝，唔係求其俾隻碗你，nice touch！
Main Course:
-Sausage Platter：餐廳是日推介，有起碼四款唔同嘅腸、好脆嘅薯仔同菜絲。Portion 幾好，每個人每樣都試到；
-紅椒汁牛柳配飯：因為有個小朋友所以揀咗個飯，味道一般；
-牛肉串燒：Balalaika 名菜，哥仔特登提我地要唔要影相，好細心；之後係熟練嘅點火，勁！最好嘅係：我地叫七成熟，燒完之後完全唔韌，啱啱好！
-羊肉粒飯配羊肉同羊肋骨（正名唔記得...）：極力推介，飯入面 D 肉同個飯好夾，D 羊肋骨唔韌，好好味，下次去絕對會再叫！
環境：好好，因為係星期日所以成間餐廳得我地一枱，唔嘈，音樂亦唔大聲
服務：招呼我地個哥仔同姐仔都好好禮貌，亦都好幫忙，當大家好雀躍要去冰房嘅時候哥仔逐件褸遞俾我地；屋企人唔行得樓梯，佢提議兜路去搭貨梯，最難得嘅係，走嘅時候佢竟然記得，仲主動問駛唔駛搭返嗰部貨梯走添！！值得一讚，希望平日同多人嘅時間都會 keep 到啦。
驚喜：食完主菜後有問阿哥仔係咪送 baked Alaska，人地一早準備晒啦。之後佢地播生日歌同推個甜品出嚟，成個氣氛都好好。最估唔到嘅係：佢送咗個俄羅斯公仔俾媽咪，仲好有禮貌咁講生日快樂添！連我同我個妹都估唔到，媽咪就梗係好開心啦！
總結：整個 dining experience 都好好，好有驚喜，希望今次唔係一個獨立事件，而係間餐廳真係好有心去做啦...
特別加許：今日 serve 我地張枱兼教我地點讀個餐廳名嘅哥仔！！
Post