紐約客 (Closed)

今次係第二次幫襯，上次下午茶食過，都唔錯，今日經過突然又想食，試下喱間新店嘅晚餐，真係好驚喜！我地一行五人叫左個大嘅dinner set，大蝦沙律，墨西哥脆片薯角配蕃茄沙沙（喱度啲Nacho真係好好味 ），美式辣肉腸Pizza, 美國安格期肉眼扒（因為同行友人要全熟，店員同我地講建議7成熟，冇計啦，有人接受唔到粉紅 好彩食落都唔鞋），華盛頓魚扒漢堡配墨西哥片（估佢唔到，塊魚扒大塊到呢，外脆內嫩，仲要跟好多nacho,點跟配的熱茄汁，喱個最滿意），全份美式醬燒豬肋骨（跟一大堆厚薯條，啱曬我喱個食肉獸，肋骨間嘅肉好嫩，有肉汁，唔好R字頭的美式餐廳咁，啲肋骨肉少又鞋），水牛城辣雞翼（辣辣地，好醒胃），我自己就飲點左Ocean Seltzer，大大杯，又抵飲；不過我偷飲我隔離果杯曼哈頓咖啡浮雪仲好飲，下次要飲喱杯👍🏻整體食物質素好好，間店嘅裝修又靚，店員同店長都好好服務，仲過嚟問下你地食物嘅意見，好用心經營的一間餐廳，feedback is a gift. 下次我一定再幫襯