燒烤堂 (Moved) New Location

串燒店喺香港都食咗好幾間，有大陸嘅辣串燒同埋日本串燒都食唔少！但呢間我就覺得好特別！值得推介🤤🤤🤤醬汁方面佢唔會好似其他串燒店咁淨係有大陸嘅麻辣或者日式嘅串燒店只有日本嘅串燒汁☺️滿足到你唔同嘅需要👍🏼而且佢有好多唔同嘅特色串燒😍雞皮墨麥魚滑呢個好好食！如果雞皮再脆d就仲正啦！佢嘅蒜蓉包都比到我好大嘅驚喜😬😬平時通常係用法包嘅，而佢嘅麵包好特別！入邊係軟身啦！而且會有好大粒嘅芝士粒！而個包邊仲好脆！勁好食！我哋食完個蒜蓉包之後再返嗌咗個檸蜜麵包👍🏼👍🏼呢個勁好味好特別而且大大塊牛油雖然好肥但係真係好吸引👍🏼豬頸肉方面燒得juice而且仲有個豬頸肉醬汁辣辣地好惹味！呢個都係一定要試！雖然睇價錢見到牛仔骨百幾蚊都唔平但係真係好想試！原來係勁大份！仲有其他配菜俾你包嚟食！值得啊！依家寫食評睇返啲相都流晒口水一定會好快再幫襯🤩🤩