樂天經典 (Closed)

天氣乍暖還寒，時冷時熱，搞到個喉嚨都dry dry 地，真係想搵啖湯水潤下兼且暖下個胃。朋友就介紹咗我哋去加拿大分廣場嘅樂天經典食下新派經典星洲中菜。一聽到樂天呢兩個字就梗係諗起出名嘅八色小籠包啦。但原來呢間樂天經典主要係食星洲中菜。真係估唔到食中菜嘅地方啲裝修暨摩登又雅致，而且枱與枱之間空間感十足，非常舒適。倆口子一場黎到見到餐牌好多選擇，結果我哋就叫咗三餸一湯，除咗叫湯飲之外當然唔少得叫個星洲黑胡椒蟹試吓啦。淮山杞子螺頭湯呢個淮山杞子螺頭湯真係真材實料非常滋潤，就連湯渣都鮮甜好味。星洲黑胡椒蟹呢個星洲黑胡椒蟹真係唔講得笑，非常惹未，肉蟹暨大隻又鮮甜，兩隻蟹鉗更加有爆肉嘅感覺，而胡椒味香而不搶喉，真係非吃不可。苦瓜排骨呢個苦瓜排骨真係好有驚喜，苦瓜甘香一啲都唔苦，可能係用嘅排骨部位選擇得宜嘅關係，炒得幾香又一啲都唔韌。金銀蛋浸時菜呢個金銀蛋浸時菜又係能夠帶給我無限嘅驚喜，普普通通一個菜式，竟然係充滿着鹹蛋黃嘅香味，加埋肉碎嘅鮮甜，令到翠綠嘅菠菜無限提鮮，真係好好味。食到呢度其實已經好飽，但係都好想叫碗糖水作一個甜美嘅總結。於是我就叫咗個番薯糖水，估唔到連糖水都係有驚喜，薑湯的薑味恰到