麵麵 (Closed)

中午時分，因為鍾意食米線🍜，所以諗住今次試新野，搵下旺角有冇其他米線選擇。睇到呢間麵麵好似幾過癮，就同同事上去。一上到去，1:00pm得3檯人，心諗，會唔會中伏😟？不過照坐低啦，試下冇防。我叫左人氣魚之戀。送到黎，其實好吸引，個賣相係好靚，同埋容器同佢本身店既裝飾都係比較新穎同整齊乾淨！✨✨第一啖，試佢講到好真材實料既花膠魚湯，好淡，💦好似冇乜味，但真係冇落味精咁既款。第二啖食佢隻70%魚肉既幼麵，‼️嘩！超驚訝，真係好似食緊一條條既白魚蛋咁，好彈牙，冇腥味。係真係幾好味幾唔錯，佢個湯唔會好似其他麵鋪咁咸👍🏻，食左幾啖麵再飲返個湯就對個湯改觀，係愈飲愈好味，飲飲下先飲返出個魚味。最尾我係好似日本人食拉麵咁哂個湯既✌🏻麵同湯都好唔錯，餸就真係好普通，冇乜特別，都係似現成買到既，唔會難食。另外佢會每碗麵有多一匙醬，好似係佢地自家既，好香，口感似沙嗲醬，好有魚香，見到佢個牌係可以一罐罐咁買。最後，其實應該一開頭講既，佢有個好似前菜咁既頭食盤，有3格，分別係車里茄、雲耳、薯仔泥。好用心👏😻，因為個車里茄係冇皮既，甜甜酸酸好醒胃。雲耳就有柚子醬響試面，原來都幾夾，薯仔泥就冇乜特別，正正常常。整體我