Kachimushi

Open Now

Now Closed

今日專程去錦田試一試依間Kachimushi，唔難搵喺錦田大街，正正馬會投注站對面，門口仲有巴士站，入到去見到幾張枱都坐滿客人，咁就被服務員直接帶去一個類似和室嘅地方，坐落又幾舒服喎，出面仲有一個好日式完庭feel嘅花園仔，和室當然就要除鞋先入得啦，呢個和室坐低之後，要自行出去點餐。咁我就同朋友一齊點咗杯Iced Dirty和Iced Drip。餐方面就點咗蟹肉薯仔沙律加蘑菇，加無花果再加風乾火腿，再點了和牛吐司和一個黃豆粉年糕班戟。杯 Dirty 好香滑，而杯 Iced Drip 就用咗肯尼亞咖啡豆，飲落都好有堅果和焦糖味，好好飲。黃豆粉年糕班戟放枱面時熱辣辣，再加上凍冰冰嘅雪糕，真係有冰火感覺，而年糕食落好煙韌有麻薯feel。和牛吐司上面蓋住沙律菜洋蔥，而和牛肉就好似熟成和牛一樣好有咬口同埋牛味，真係必食之選。蟹肉薯仔沙律就比較平凡啲，但加咗蘑菇無花果同埋乾火腿之後就完全唔同曬，薯仔其實係薯蓉夾住啲無花果同埋蘑菇一齊食超好味，雖然係食晏但食得超滿足，晚餐都可以唔使食了。