堅離地 7 PO (Closed)

今日試了一家好有Feel的餐廳，佢係食中東菜嘅，間餐廳嘅裝飾都好襯佢嘅主題，幾靚幾好坐。因為Happy Hour時間去到，所以主要試咗佢D小食同埋飲吓啤酒，我地點咗3樣野食，分別有半熟吞拿魚配三文魚子、中東串燒三串雞三串豬同埋馬利蘭蟹肉餅，啤酒就揀咗佢一隻來自德國嘅手工啤。半熟吞拿魚配三文魚子︰材料新鮮，個汁幾好味，個三文魚子幾好食。中東串燒(三串雞三串豬)︰呢個串燒幾好，有D肉汁而唔會燒得好乾。馬利蘭蟹肉餅︰呢個蟹肉餅味道都唔錯，蟹肉都算多。德國手工啤都幾好飲，出面好似少D見呢個牌子，帶少少生果香味，都唔錯。