Lucky U

Open Now

Now Closed

今日荃灣放工，想同同事搵間bar食完飯直落飲嘢，relax一下。咁啱經過lucky u ，一次過滿足晒我哋兩個願望，質素幾好，值得推介俾大家。個場都幾大，空間感闊落，超多座位。我哋叫左兩杯mocktail 一杯係rainbow showdown ，另一杯係matcha。我嗰杯Rainshow shadow 超靚，又飲得又影得，啱晒我呢啲正宗港女！嘢食就叫左泰式生蝦、一碟意粉、同埋一份牛扒。生蝦肉質彈牙，味道爽甜鮮味。醬汁有大量生蒜同埋辣椒，食到停唔到口，酸酸辣辣超級開胃！意粉就係北海道明太子魷魚蝦仁碎他他汁意大利粉。啲汁超creamy，配料好足料，份量好多。最重要嘅係有超級多我最鍾意嘅明太子，值得一讚!!!!!另外再叫多左份美國安格斯肉眼扒，有成10安士㗎，超夠份量！肉質超級嫩滑，脂肪比例平均，有口感！Lucky u 必試之選！場內仲有超多設施，應有盡有，例如:桌球、掟標、beer pong。放工想放鬆一下，去lucky u 食完飯仲可以直落飲嘢，超方便！我一定會介紹多啲同事嚟呢度！